رۆژنامەیەکی ئەمریکی: بەبێ بەڵگە ترەمپ ناتوانێت تانە لە ئەنجامی هەڵبژاردنەکە بکات

0
219

SNN

رۆژنامەی نیویۆرک تایمزی ئەمریکی نوسیویەتی، ترەمپ بەڵێنیداوە کە تانە لە ئەنجامی هەڵبژاردنەکان بدات بە تۆمەتی ئەوەی ساختەکاری تێداکراوە، بەڵام بەبێ بوونی بەڵگەی پێویست لەسەر ئەو ساختەکارییانە ناتوانێت ئەو کارە بکات.
رۆژنامەکە ئاماژەی بەوەدەکات، تاکە رێکاری یاسایی کە تا ئێستا تیمەکەی ترەمپ گرتبێتیەبەر دژ بە ئەنجامی هەڵبژاردنەکان ئەوەبووە کە داوای لە دادگای باڵای ئەمریکا کردووە لە ئێستادا ئەو دەنگانەی ویلایەتی پەنسلڤانیا هەژمارنەکات کە لە دوای رۆژی هەڵبژاردنەکەوە هاتوون، دوێنێش ساموێڵ ئالیتۆ دادوەر لە دادگای باڵای ئەمریکا ئەو داوایەی قبوبڵکرد.
نیویۆرک تایمز دەڵێت، کۆمارییەکان گومانیان لەو دەنگانە هەیە کە بەشێوەی پۆستە نێردراون، بەوهۆیەشەوە بڕیاردراوە دەنگەکانی پۆستە و سندوقەکان جیابکرێنەوە لەیەکتری، ئەگەرچی ئەو دەنگانەش کە لە سندوقەکاندابوون زیاتر بۆ بایدن چوون بەجۆرێک 17 هەزار دەنگ لەپێش ترەمپەوەیە.
هاوکات لیژنەی فیدڕاڵیی هەڵبژاردنەكان لە ئەمریكا، لە سەروبەندی جیاكردنەوەی دەنگی هەڵبژاردنەكانی ئەو وڵاتە، رەتیکردەوە بەڵگە هەبێت لەسەر بوونی ساختەكاری لەو هەڵبژاردنانەدا.
ئیلین وێنترۆپ، بەرپرس لە لیژنەی فیدڕاڵیی هەڵبژاردنەكان لە ئەمریكا بە سی ئێن ئێن-ی ڕاگه‌یاند، “هیچ بەڵگەیەك نییە كە ئاماژە بەوە بكات ساختەكاری لە هەڵبژاردنی سەرۆكایەتیی ئەمریكا كرابێت”.

ئه‌و بەرپرسه‌ی لیژنەی فیدڕاڵیی هەڵبژاردنەكان لە ئەمریكا باسی له‌وه‌ش كرد، “بەرپرسانی حكومی و لۆكاڵی و فەرمانبەرانی جیاكردنەوەی دەنگەكان لە سەرجەم شارەكان ڕاپۆرتی خۆیانیان بۆ ناردووین بە بەردەوامی”.

هه‌روه‌ها ئیلین وێنترۆپ ئاماژه‌ی به‌وه‌ش كردوه‌، “هەندێك سكاڵا هەن لەبارەی بەڕێوەچوونی هەڵبژاردنەكان بەڵام هیچ بەڵگەیەك نییە كە ساختەكاری لە دەنگەكان كرابێت، یان دەنگی نایاسایی درابێت”.

 

بەشی بکە لە
Previous Next
Close
Test Caption
Test Description goes like this