پارتی‌ و یه‌كێتی‌ لەسەر ئاستی باڵا كۆده‌بنه‌وه‌

0
316

SNN- بڕیار محەمەد

بڕیارە سبەی دووشەممە له‌ شاری‌ هه‌ولێر شاندی‌ پارتی‌ دیموكراتی‌ كوردستان و یه‌كێتیی‌ نیشتمانیی‌ كوردستان كۆ ببنه‌وه‌، کۆبوونەوەکەش لەسەر ئاستی باڵا دەبێت.

ئه‌مڕۆ یەکشەممە سه‌رچاوه‌یه‌كی‌ ئاگادار لە کۆبوونەوەکە بەSNNی ڕاگەیاند “بڕیاره‌ سبه‌ی‌ دووشه‌ممە له‌ بینای سه‌رۆكایه‌تی هه‌رێمی كوردستان هه‌ردوو مه‌كته‌بی سیاسی پارتی دیموكراتی كوردستان و یه‌كێتیی نیشتمانیی كوردستان كۆببنه‌وه”‌.

له‌ كۆبوونه‌وه‌كه‌دا نێچیرڤان بارزانی‌ سه‌رۆكی‌ هه‌رێمی‌ كوردستان به‌شدار ده‌بێت، شاندی یه‌كێتی به‌ سه‌رۆكایه‌تی بافڵ تاڵه‌بانی، هاوسه‌رۆكی یه‌كێتی ده‌بێت و ژماره‌یه‌ك له‌ ئه‌ندامانی مه‌كته‌بی سیاسی به‌شداری كۆبوونه‌وه‌كه‌ ده‌كه‌ن، شاندی پارتیش، پێكدێت له‌ هۆشیار زێباری و ژماره‌یه‌ك ئه‌ندامی مه‌كته‌بی سیاسی پارتی.

سەچاوەکە باسی لەوەشکرد کۆبوونەوەکە تایبەتە بەدۆخی ئێستای هەرێمی کوردستان و پرسی رێککەوتنی پارتی و یەکێتی لەسەر بەرنامەی کاری کابینەی نۆیەم و چەند پرسێکی تر.

بەشی بکە لە
Previous Next
Close
Test Caption
Test Description goes like this