“له‌ پاركى هه‌وارى شار شوێنێك تایبه‌ت ده‌كرێت به‌ نمایشى كارى خانمانى ده‌ستڕه‌نگین”

0
630

SNN – هه‌ڵكه‌وت سه‌روه‌ت

پارێزگارى سلێمانى به‌ڵێنیداوه‌ له‌ پاركى هه‌وارى شار هه‌فته‌ى دوو رۆژ شوێنێك تایبه‌ت بكرێت به‌ نمایشى كارى خانمانى ده‌ستڕه‌نگین.

بەیان بەشیر، سەرۆکی گروپی رستن و چنین لە سەندیکای کرێکاران به‌ SNNى راگه‌یاند: “گروپه‌كه‌ى ئێمه‌ له‌ 40 خانم پێكهاتووه‌، كه‌ سه‌رجه‌میان ده‌ستڕه‌نگینن و خاوه‌نى به‌رهه‌مى ده‌ستى خۆیانن هه‌ریه‌كه‌ و له‌ بوارێكدا، ئه‌م خانمانه‌ جگه‌ له‌وه‌ى هه‌ریه‌كه‌ و به‌ڕێگه‌ى خۆى به‌رهه‌مه‌كانیان ده‌گه‌یه‌ننه‌ ده‌ستى كڕیار، له‌ فێستیڤاڵه‌كانیشدا به‌شدارى ده‌كه‌ن بۆ ئه‌وه‌ى زیاتر به‌ بازاڕكردن بۆ به‌رهه‌مه‌كانیان بكه‌ن و راسته‌وخۆ به‌ر كڕیاره‌كانیان بكه‌ون”.

وتیشى: “ئێمه‌ كاتێك به‌شدارى له‌ فێستیڤاڵه‌كاندا ده‌كه‌ین بڕێك پاره‌ ده‌ده‌ین وه‌ك یاسایه‌ك بۆ به‌شداریكردن و له‌ به‌رامبه‌ر ئه‌و شوێنه‌ى كه‌ پێمان ده‌درێت بۆ نمایشكردنى به‌رهه‌مه‌كانمان، بۆیه‌ به‌رده‌وام داواكارى و خواستى ئه‌وه‌مان هه‌بووه‌ شوێنێكمان هه‌بێت به‌بێ به‌رامبه‌ر كاره‌كانمانى تێدا نمايش بكه‌ین”.

بەیان بەشیر روونیشیكرده‌وه‌: “راسته‌ ئێمه‌ له‌ ئێستادا ژماره‌مان 40 خانمه‌، به‌ڵام خانمێكى زۆر به‌ به‌رده‌وامى په‌یوه‌ندیمان پێوه‌ده‌كه‌ن، بۆ ئه‌وه‌ى بێنه‌ ناو گروپه‌كه‌ و هه‌لى ئه‌وه‌یان هه‌بێت به‌رهه‌مه‌كانیان نمایش بكه‌ن”.

سەرۆکی گروپی رستن و چنین لە سەندیکای کرێکاران بۆ یه‌كه‌مجار له‌ڕێگه‌ى SNNه‌وه‌ ئه‌وه‌شى ئاشكرا كرد: “هەڤاڵ ئەبوبەکر، پارێزگاری سلێمانی به‌ڵێنیپێداوین کە هەفتەی دوو رۆژ لە پارکی هەواری شار شوێنێکی تایبەت بۆ ئەو خانمانە دابینبکات كه‌ كارى ده‌ستڕه‌نگینى ده‌كه‌ن به‌بێ به‌رامبه‌ر بۆ ئه‌وه‌ى کاری خۆیانی تێدا نمایش بكه‌ن”.

بەشی بکە لە
Previous Next
Close
Test Caption
Test Description goes like this