وتەبێژی پۆلیسی سلێمانی: گەنجێک لە ئاوی دوکاندا خۆیکوشت

0
1190

SNN-هەڵکەوت سەروەت

وتەبێژی پۆلیسی سلێمانی رایگەیاند: گەنجێک لە ئاوی دوکاندا خۆی کوشتووە کە گوماندەکرێت پەیوەندی بە رووداوەکەی شەقامی مەلیک مەحمودی ئەمڕۆوە هەبێت.

سەرکەوت ئەحمەد وتەبێژی پۆلیسی سلێمانی بە SNNی راگەیاند: “گەنجەکە کە لە رەگەزی نێرە، لە ئاوی دوکاندا خۆیکوشتووە”.

شایەتحاڵێکیش بە SNNی وتووە، گەنجەکە بەلەمێکی بەکرێ گرتووە و داوایکردووە بەتەنیا بەکاریبهێنێت چونکە کاری فۆتۆگرافەری دەکات، لەناو بەلەمەکەدا گولەی بەخۆیەوە ناوە و تەرمەکەی کەوتووەتە ناو ئاوەکەوە.

باسی لەوەشکرد: “گوماندەکرێت کەیسی خۆکوشتنی ئەو گەنجە پەیوەندی بە رووداوەکەی شەقامی مەلیک مەحمودەوە هەبێت کە تەرمی ژنێکی تەمەن سەروو 30 ساڵ دۆزراوەتەوە کە شوێنەواری گولە بە جەستەوەیەتی”.

هێزەکانی پۆلیس لە لێکۆڵینەوەکانیان سەبارەت بە هەردوو کەیسەکە بەردەوامن.

بەشی بکە لە
Previous Next
Close
Test Caption
Test Description goes like this