زانكۆى گه‌رمیان نزیكه‌ى دوو هه‌زار خوێندكار وه‌رده‌گرێت و سێ مامه‌ڵه‌شیان بۆ لاده‌بات

0
154

SNN- سیروان حه‌سه‌ن

له‌ زانكۆى گه‌رمیان بۆ خوێندنى ئه‌مساڵى 2020-2021 نزیكه‌ى دوو هه‌زار خوێندكار له‌ كولێژه‌ جیاجیاكانى زانكۆكه‌ وه‌رگیراوه‌ و بۆ پاراستنى گیانى خوێندكاره‌كانیش سێ مامه‌ڵه‌یان بۆ لاده‌برێت.

فه‌رهاد قادر سه‌رۆكى زانكۆى گه‌رمیان به‌ SNNى راگه‌یاند: بۆ ئه‌مساڵى خوێندنى 2020-2021 زانكۆكه‌یان نزیكه‌ى دوو هه‌زار خوێندكارى قۆناغى یه‌كه‌مى وه‌رگرتووه‌ و به‌سه‌ر كۆلێژه‌ جیاجیاكاندا دابه‌ش بوون.

وتیشى “بۆ پاراستنى گیانى خوێندكاران و رێگرى كردن له‌ بڵاوبوونه‌وه‌ى ڤایرۆسی كۆرۆنا بڕیاریانداوه‌ سێ مامه‌ڵه‌ى سه‌ره‌كى بۆ ئه‌و خوێندكارانه‌ لابده‌ن و دواى بخه‌ن بۆ كاتێكى دیكه‌ كه‌ بارودۆخ ئاسایی بێته‌وه”‌.

سه‌رۆكى زانكۆى گه‌رمیان رایگه‌یاند: له‌ ئێستادا مامه‌ڵه‌كانى پشكنینى چاو، به‌ڵێنامه‌، پشكنینى خوێنیان له‌ خوێندكار ناوێت، ئه‌مه‌ش به‌هۆى ئه‌وه‌ى له‌به‌ر ئه‌و پشكنین و مامه‌ڵانه‌ كۆبوونه‌وه‌ى فراوانى خوێندكاران دروستببوو له‌ ناوه‌نده‌ ته‌ندروستى و فه‌رمانگه‌ په‌یوه‌ندیداره‌كان، خوێندكار له‌ كاتێكدا دیكه‌دا ده‌توانێت ئه‌و مامه‌ڵانه‌ بكات كه‌ بۆ وه‌رگرتنیان له‌ زانكۆ زۆر گرنگه‌.

بەشی بکە لە
Previous Next
Close
Test Caption
Test Description goes like this