بایدن: پرۆسه‌ى ئاڵوگۆڕى ده‌سه‌ڵاتمان ده‌ستپێكرد

0
331

SNN
كه‌مێك له‌مه‌وبه‌ر جۆو بایدن سه‌رۆكى هه‌ڵبژێردراوى ئه‌مریكا رایگه‌یاند: پرۆسه‌ى ئاڵوگۆڕى ده‌سه‌ڵاتمان ده‌ستپێكرد، وتیشى: “دانپێدانه‌نان به‌ ئه‌نجامى هه‌ڵبژاردنه‌كان و بوونى من به‌ سه‌رۆك له‌لایه‌ن ئیداره‌كه‌ى تره‌مپه‌وه‌ هیچ ناگۆڕێت”.

ئه‌مڕۆ سێشه‌ممه‌ جۆو بایدن، سه‌رۆكى هه‌ڵبژێردراوى ئه‌مریكا كۆنگره‌یه‌كى رۆژنامه‌وانى له‌ واشنتن سازكرد و رایگه‌یاند: “پرۆسه‌ى ئاڵوگۆڕى ده‌سه‌ڵاتمان له‌گه‌ڵ ئیداره‌كه‌ى دۆناڵد تره‌مپ، سه‌رۆكى ئێستاى ئه‌مریكا ده‌ستپێكردووه‌”.

وتیشى: “به‌ڕاستى ده‌مه‌وێت له‌ نزیكه‌وه‌ قسه‌ له‌گه‌ڵ سه‌رۆك تره‌مپ بكه‌م، ره‌تكردنه‌وه‌كانیشى جێگه‌ى نیگه‌رانى نین بۆ سه‌ركه‌وتنى من”.

له‌ به‌شێكى ترى قسه‌كانیدا جۆو بایدن باسى كه‌رتى ته‌ندروستى وڵاته‌كه‌ى كرد و ئه‌وه‌شى خسته‌ڕوو: “له‌دواى ده‌ستبه‌كاربوونم راسته‌وخۆ ده‌ستبه‌ كاركردن و چاكسازى ده‌كه‌م له‌ كه‌رتى ته‌ندروستیدا، شانازیش ده‌كه‌م به‌ سیستمى (ئۆباما كه‌یر) كه‌ له‌سه‌رده‌مى سه‌رۆك ئۆبامادا بۆ هاووڵاتییانى ئه‌مریكا فه‌راهه‌م كرا”.

سه‌رۆكى هه‌ڵبژێردراوى ئه‌مریكا له‌باره‌ى هێرشه‌كانى دۆناڵد تره‌مپ و ره‌تكردنه‌وه‌كانى ئاماژه‌ى به‌وه‌شكرد: “دانپێدانه‌نان به‌ ئه‌نجامى هه‌ڵبژاردنه‌كان و بوونى من به‌ سه‌رۆك له‌لایه‌ن ئیداره‌كه‌ى تره‌مپه‌وه‌ هیچ ناگۆڕێت، من ده‌بمه‌ سه‌رۆكى ئه‌مریكا”.

 

بەشی بکە لە
Previous Next
Close
Test Caption
Test Description goes like this