“رێگە نادرێت رۆژنامەنووسان دەستیان بگاتە دەروازە سنوورییەكانی حاجی ئۆمەران و ئیبراهیم خەلیل”

0
305

SNN – عەلی حەمە سەعید
سەرۆكی فراكسیۆنی یەكێتی لە ئەنجوومەنی پارێزگای سلێمانی رایده‌گه‌یه‌نێت: ئەو گەندەڵی و قاچاخچێتییەی كە لە دەروازە سنوورییەكانی حاجی ئۆمەران و ئیبراهیم خەلیل هەیە زۆر زیاترە لەوەی باس دەكرێت، بەڵام رێگە نادرێت دەستی رۆژنامەنووسانی پێبگات.

رێكەوت زەكی، سەرۆكی فراكسیۆنی یەكێتی لە ئەنجوومەنی پارێزگای سلێمانی بە SNNی راگەیاند: “بەگوێرەی ئەو زانیاریانەی كە لەبەردەستدان، ئەگەر خراپ ئیدارەدانێك هەبێت لە بەڕێوەبردنی خاڵە سنوورییەكان، ئەوا تەنیا لە دوو مەرزی باشماخ و پەروێزخان نییە، بەڵكو لە دەروازە سنوورییەكانی ژێر دەسەڵاتی حكومەتی عێراقی و مەرزەكانی حاجی ئۆمەران و ئیبراهم خەلیلە”.

وتیشى: “جیاوازییەكە لەوێوە دەستپێدەكات پەرلەمانتار و رۆژنامەنووس و ئەندامانی ئەنجوومەنی پارێزگا و كامێراكانی راگەیاندن بە ئاسانی دەستیان دەگات بە دەروازە سنوورییەكانی ئەم ناوچەیە، بەڵام لە شوێنانی دیكە بە بەرنامە و پلانی تۆكمە كاری قاچاغچێتی زیاترە و ناهێڵدرێت دەستی رۆژنامەنووسان و پەرلەمانتارانی پێبگات، هەر ئەمەش وایكردووە كەمترین جار باسی ئەو دەروازە سنوورییانە بكرێت”.

سەرۆكی فراكسیۆنی یەكێتی لە ئەنجوومەنی پارێزگای سلێمانی ئەوەشی خستەڕوو: ” شوێنی وا هەیه‌ كە دەروازەی سنووری تێدایە، لە %100ی ئەو داهاتەی لەو دەروازە سنوورییە دەستدەكەوێت ناگەڕێندرێتەوە بۆ خەزێنەی گشتی حكومەت، بەڵام كەمترین باسی لێوە دەكرێت یان هەر باسیش ناكرێت”.

 

بەشی بکە لە
Previous Next
Close
Test Caption
Test Description goes like this