پەرلەمانتارێک: یاسای هەڵبژاردنەکان لە دابەشکردنی عێراق خراپترە

0
180

SNN

ئەمڕۆ چوارشەممە فراکسیۆنی دەوڵەتی یاسا رایگەیاند “یاسای هەڵبژاردنەکان بۆمبێکی ئامادەکراوە و لە پرسی دابەشکردنی عێراق خراپترە، ئەویش بەهۆی ئەوەی کاندیدەکان لە بازنەیەکی ناوچەیی بچوکدا قەتیس دەمێنن”.

سەفا موسلم پەرلەمانتاری دەوڵەتی یاسا لەمبارەیەوە رایگەیاندووە “یاسای هەڵبژاردنەکان کە پەرلەمان پەسەندی کردووە، هەڵە و زیانی بۆ دواڕۆژ هەیە، کە پێشتر هیچ یاسایەک ئەوەندە مەترسییان نەبووە”.

وتیشی: “سنووردار کردنی پاڵێوراو لە بازنەیەکی تەسکی هەڵبژاردن وا دەکات مافیشی سنووردار بکرێت لە بەرگریکردن لە هەر پرسێک بۆ داهاتوو بۆ پێکهاتەیەکی دیاریکراو”.

دەشڵێت: “یاساکە لە دابەشکردن و لەت لەتکردنی عێراق خراپترە، چونکە نوێنەرە هەڵبژێردراوەکان تەنها بۆیان هەیە بەرگری لە ناوچەی دیاریکراوی خۆیان بکەن و لە هەر ناوچەیەکی دیکە هەرچییەک روو بدات ئەم ناتوانێت قسەی لەسەر بکات”.

بەشی بکە لە
Previous Next
Close
Test Caption
Test Description goes like this