پەروەردە روونکردنەوە لەبارەی بڕیارەکانی دوورخستنەوەی مامۆستایان دەدات

0
839

SNN

وەزارەتی پەروەردەی حكومەتی هەرێمی كوردستان روونکردنەوە لەبارەی بڕیارەکانی دوورخستنەوەی مامۆستایان و فەرمانبەرانی سەر بە وەزارەتەکە دەدات و دەڵێت: هەر فەرمانبەرێک دوای مۆڵەتی بێ مووچە نەگەڕێتەوە سەر کارەکەی، لە کارەکەی دووردەخرێتەوە.

لە راگەیێندراوی وەزارەتەکەدا دەربارەی ئەو فەرمانبەرانەی کە لە دەرەوەی وڵاتن و نەگەڕاونەتەوە، رایگەیاندووە: “بۆیان دەكرێت بە مۆڵەتی ئاسایی بەپێی مۆڵەتی كۆكراوەیان تاوەکو 31-12-2020، بەڵام ئەگەر مۆڵەتی كۆكراوەیان نەبوو بە مۆڵەتی بێ‌ مووچە بۆیان هەژماردەكرێت و دوای ئەوەش ئەگەر نەگەڕانەوە بەپێی بڕیاری پەرلەمانی كوردستان (فصل) دەكرێن”.

سەبارەت بە درێژكردنەوەی ماوەی مۆڵەتەكانیان، وەزارەتەکە دەڵێت: دەبێت فەرمانبەران و مامۆستایان لەڕێگەی فەرمانگەی پەیوەندییەكانی دەرەوە كارەكانیان بكەن.

ئاماژە بەوەشدەکات: ئەو مامۆستا و فەرمانبەرانەی بەبێ‌ مۆڵەت چوونەتە دەرەوەی وڵات و رەزامەندییان وەرنەگرتووە، “بەپێی بڕیاری پەرلەمان مامەڵەیان لەگەڵ دەكرێت كە دوای تێپەڕبوونی 30 رۆژ لە دابڕانیان لە كار و دەوام (فصل) دەكرێن”.

بەشی بکە لە
Previous Next
Close
Test Caption
Test Description goes like this