هه‌ر ماڵێك پێوه‌رى ئاو ببه‌ستێت سزاكه‌ى له‌سه‌ر لاده‌برێت

0
774

ٍSNN-سیروان حه‌سه‌ن

بە بڕیارێک هاوكارى ئه‌و ماڵانه‌ ده‌كرێت كه‌ پێوه‌رى ئاویان نه‌به‌ستوه‌ و به‌بڕى 100 هه‌زار دینار سزادراون، ئەوەش بە لابردنی سزاکەیان له‌ دواى بەستنی پێوەری ئاو.

سالار عه‌زیز به‌رێوه‌به‌رى راگه‌یاندنى به‌رێوه‌به‌رایه‌تى ئاوى ده‌وروبه‌رى گه‌رمیان به‌ SNNى راگه‌یاند: پاره‌ى ئاوى ماڵان له‌ گه‌رمیان دوو مانگ جارێک كۆده‌كرێته‌وه‌ و له‌گه‌ڵ ئه‌م خوله‌ى وه‌رگرتنى پاره‌ى باجی ئاوى ماڵان هه‌ر ماڵێك پێوه‌رى ئاوى نه‌به‌ستبێت بڕى 100 هه‌زار دینار غه‌رامه‌ى له‌سه‌ر تۆماركراوه‌.

وتیشى: له‌خولى داهاتووى وه‌رگرتنى پاره‌ى ئاوى ماڵان ئه‌گه‌ر ئه‌و ماڵانه‌ پێوه‌ر ببه‌ستن ئه‌وا بڕى ئه‌و 100 هه‌زار سزایه‌ له‌ سه‌ریان لاده‌برێت و ئه‌گه‌ریش نه‌یانبه‌ستبێت ئه‌وا ده‌كرێته‌ وه‌سڵ و ئه‌و كات به‌ هیچ شێوه‌یه‌ك لانابرێت و پێویسته‌ به‌شداربوو پاره‌كه‌ بدات.

له‌ سنوورى گه‌رمیان تاوه‌كو ئێستا به‌ هه‌زاران ماڵ پێوه‌ره‌كه‌یان نه‌به‌ستووه‌ و نیگه‌رانى زۆریش له‌سه‌ر ئه‌و پێوه‌ره‌ هه‌یه،‌ به‌شێك له‌ هاووڵاتیان پێیان وایه‌ زیاتر تۆمارده‌كات له‌و بڕه‌ ئاوه‌ى به‌كاریان هێناوه‌.

بەشی بکە لە
Previous Next
Close
Test Caption
Test Description goes like this