مۆزەخانەی کامەران نەجم لە سلێمانی دەکرێتەوە

0
111

SNN

ئەمڕۆ مۆزەخانەی کامەران نەجم لە سلێمانی کرایەوە، وەک بەرزڕاگرتن و یادکردنەوەی ئەو فۆتۆگرافەرە دیارەی کوردستان.

ئەحمەد نەجم، بەڕێوەبەری ئاژانسی میترۆگرافی کە برای ناوبراوە لە لێدوانێکیدا بۆ SNN رایگەیاند: “کردنەوەی ئەم مۆزەخانەیە وەکو وەفایەکە بۆ ئەو قوربانیەی کە کامەران دای لە شەڕی داعش کە ماوەی شەش ساڵ و نیوە بێسەروشوێنە، ئەوەی بۆ ئێمە گرنگبوو چارەنووسی کامەرانە، کە بە شێوەی دیجیتاڵی لە مۆزەخانەکەدا دەخرێتەڕوو، تەنانەت ئەو فۆتۆیانەشی تێدایە کە لەکاتی گەڕان بەدوای کامەراندا گرتوومانە، دوایین وێنەی کامەرانیش نمایشکراوە”.

ئاماژەی بەوەشکرد: “مۆزەخانەکە لە دوو بەش پێکهاتووە، بەشێکی ئەو کەلوپەلانە لەخۆدەگرێت کە ئەورۆژەی بێسەروشوێنبووە پێیبووە کە دوو جانتایە، کامێرا و لاپتۆپ و تەنانەت بسکیت و دەبە ئاوەکەشی تێدایە، بەشەکەی دیکە ئەو کەلوپەلانەیە کە لە ماڵەوە یان شوێنی کارەکەی هەڵگیرابوو”.

باسی لەوەشکرد: “مۆزەخانەکە بەردەوام کراوە دەبێت و پێشانگاکەش بۆ ماوەی 10 رۆژ بەردەوام دەبێت”.

وتیشی: “دەمانەوێت لە داهاتوودا مۆزەخانەیەکی گەورەتر بکەینەوە بۆ یادکردنەوەی ئەو رۆژنامەنووسانەی کە بێسەروشوێن بوون یان چارەنووسێکی نەخوازراویان هەبووە”.

کامەران نەجم فۆتۆگرافەرێکی کوردبوو لە 12ی حوزەیرانی 2014، لە یەکەمین شەڕی نێوان پێشمەرگە و پۆلیسی عێراقی لەلایەن و داعش لەلایەکی دیکە، بە برینداری کەوتە دەست داعش و بێسەروشوێنبوو.

بەشی بکە لە
Previous Next
Close
Test Caption
Test Description goes like this