تورکیا بۆردومانی بناری قەندیلی کرد

0
705

SNN-محەمەد مستەفا

ئێوارەی ئەمڕۆ هەینی 13 ی تشرینی دووەم، فڕۆکە جەنگیەکانی سوپای تورکیا بە چڕی بۆردومانی بناری قەندیلیان کرد .

محەمەد حەسەن هاوسەرۆکی شارەوانی بناری قەندیل بە SNN ی ڕاگەیاند: ئێوارەی ئەمرۆ فڕۆکە جەنگیەکانی سوپای تورکیا بە چڕی بۆردومانی شاخی کورتەک و گوندی بێ پاڵان و چەند شوێنێکی تری بناری قەندیلیان لە ناحیەی سەنگەسەری قەزای پشدەر کردووە .

وتیشی: “بۆردومانەکە نزیکبووە لە گوندی بێ پاڵان و ترس و دڵەڕاوکێی لەناو دانیشتوانی سنووری ئەو گوندانە دروستکردووە “.

ِباسی لەوەشکرد : بۆردومانەکە زیانی گیانی نەبووە، بەڵام لە ئێستادا فڕۆکەی بێ فڕۆکەوانی چاودێری سوپای تورکیا بە ئاسمانی بناری قەندیلدا دەسوڕێتەوە .

هاوکات کەمێک لەمەوبەر فڕۆکەی جەنگی سوپای تورکیا بۆ ماوەیەک بە ئاسمانی سنووری قەزای ڕانیەدا سوڕایەوە .

بەشی بکە لە
Previous Next
Close
Test Caption
Test Description goes like this