بانکی ناوەندی ئێران: هەرێمی کوردستان کاریگەری لەسەر بەهای تمەن هەیە

0
960

SNN-هەڵکەوت سەروەت

عەبدولناسر هیمەتی سەرۆکی بانکی ناوەندی ئێران ڕایگەیاند: بازاڕەکانی سلێمانی لە هەرێمی کوردستان و هەرێمی هەڕاد لە ئەفغانستان کاریگەریان هەیە لەسەڕ ناجێگیری بەهای تمەن.

بیلال رەووف پسپۆری ئابووری لەو بارەیەوە بۆ SNN وتی: ئێران بەهەر جۆرێک بێت دەیویست بۆ ماوەیەکی کاتی بەهای تمەن بەرزبکاتەوە و بۆ ئەو مەبەستەش پێش هەڵبژاردنی ئەمریکا 50 ملیۆن دۆلاری خستە بازاڕەکانەوە و هەواڵی دەرچوونی جۆ بایدنیش وایکرد بۆ ماوەیەکی کەم نرخی بەهای تمەن بەرزبێتەوە.

ئەو پسپۆڕە وتیشی: مەبەستی سەرەکی دەسەڵاتدارانی ئێران لەم کاتەدا هێنانە دەرەوەی پارەی دۆلاری هاووڵاتیان بووە و ئامانجەکەشی پێکا، ئەمەش پاش ئەوەی نرخی تمەن بۆ دوو ملیۆن و 200 هەزار تمەن بەرامبەر دۆلار بەرز بووە و هاووڵاتیان بە کۆمەڵ ئەو پارانەی هەیان بوو کردیانەوە بە تمەن.

ئەمەش وایکرد ئەم یارییەی بانکی ناوەندی ئێران ئامانجەکەی بپێکێت و ژمارەیەکی زۆر لە دۆلار بگەڕێنێتەوە لە ماڵەکانەوە بۆ بازاڕ و دواتریش نرخەکەی گەیشتەوە ئاستی جارانی خۆی کە نزیکەی سێ ملیۆن تمەنە بەرامبەر 100 دۆلار

بەشی بکە لە
Previous Next
Close
Test Caption
Test Description goes like this