ترەمپ ” دەیان بەڵگەمان لایە کە باس لە ساختەکاری هەڵبژاردنەکان دەکات”

0
110

SNN

جارێکی دیکە دۆناڵد ترەمپ سەرۆکی دەرنەچوو لە هەڵبژاردنەکانی ئەمریکا رایگەیاند: ساختەکارییەکی بێ ئەندازەو نا دەستوری هەیە لە کاتی جیاکردنەوەی دەنگەکاندا، بەتایبەتی لە ویلایەتەکانی مشیگەن و جۆرجیا و پەنسلڤانیا.

ترەمپ لە تویتێکدا وتی” بەڵگەی زۆر هەیە کە ساختەکارییەکی فراوان کراوە کاریگەری کردۆتە سەر ئەنجامی دەنگەکانمان، نەیانهێشتووە چاودێران و سەرپەرشتیارانی کۆمارییەکان لەکاتی جیاکردنەوەی دەنگەکاندا ئامادەبن”.

ترەمپ دەشڵێت: ئەوەی لە ویلایەتەکانی مشیگەن و جۆرجیا و پەنسلڤانیا روویداوە کارێکی زۆر نا دەستورییە.

رۆژی هەینی رابردوو دەستەی باڵای هەڵبژاردنەکانی ئەمریکا رایگەیاند: کە هیچ بەڵگەیەکیان لە بەردەست نییە کە هەڵبژاردنەکانی ئەمریکا ساختەکاری تێدا کرابێت، بەڵکو بە پێچەوانەوە یەکێک بووە لە پاکترین و بێکێشەترین هەڵبژاردن لە مێژووی ئەمریکادا.

بەشی بکە لە
Previous Next
Close
Test Caption
Test Description goes like this