ماوەی دوورکەوتنەوەی بۆسکێتس راگەیەندرا

0
502
بۆسکێتس لە یاری وڵاتەکەی بەرامبەر بە سویسرا

SNN Sport

ئەمڕۆ رۆژنامەکانی ئیسپانیا ماوەی دوورکەوتنەوەی سێرجیۆ بۆسکێتسی یاریزانی هێڵی ناوەندی یانەی بەرشەلۆنە رادەگەیەنن.

بۆسکێتس لە یاری شەوی رابردووی ئیسپانیا بەرامبەر بە سویسرا کاتێک 1-1 تەواو بوو، تووشی پێکان بوو.

ئەمڕۆ رۆژنامەی ئاس بڵاویکردووەتەوە، بۆسکێتس بۆ ماوەی 3 هەفتەی داهاتوو لە یاریکردن دووردەکەوێتەوە و ئامادەی چەند یارییەک نابێت.

لە کاتی پشکنینەکان کە بۆ ئەو یاریزانە ئەمڕۆ کراوە، دەرکەوتووە تووشی پێکان بووە لە ئەژنۆی چەپیداو ئەمڕۆ نەیتوانی راهێنان بکات.

بەمەش ئەو یاریزانە ئامادەی یاری یانەکەی دژی ئاتلەتیکۆمەدرید لە خولی ئیسپانیا و دینامۆکێڤ لە خولی یانە پاڵەوانەکان نابێت و لە 29ی ئەم مانگە دەتوانێت بۆ یاری ئۆساسۆنا یاری بکات.

هەروەها یەکلایی بووەتەوە لەم هەفتەیە ناتوانێت ئامادەی یاری ئیسپانیا و ئەڵمانیا ببێت لە خولی نەتەوەکانی ئەوروپا، کە یارییەکی زۆر گرنگە بۆ ئیسپانیاو بە بردنەوە دەگاتە یاری کۆتایی.

بەشی بکە لە
Previous Next
Close
Test Caption
Test Description goes like this