ئابووریناسێک: لیرەی تورکی زیاتر دادەبەزێت

0
398
SNN-هەڵکەوت سەروەت
ماوەی زیاتر لە دوو مانگە بەهای لیرەی تورکی بەرامبەر دۆلار دابەزینی بەرچاوی بەخۆیەوە بینیوە و ئابووریناسانیش پێیان وایە تورکیا ناتوانێت بەهای دراوەکەی بەرامبەر دۆلار رابگرێت.
بیلال رەئوف پسپۆڕی ئابووری لە لێدوانێکی تایبەتدا بۆ SNN ئاشکرای کرد: دوای دەستلەکارکێشانەوەی وەزیری دارایی تورکیا و دوورخستنەوەی بەڕێوبەری بانکی ناوەندی ئەو وڵاتە، لیرەی تورکی ڕۆژ بە ڕۆژ بەهای خۆی لەدەستدەدات و تورکیاش بۆ ڕاگرتنی بەهای پارەکەی و کێشە داراییەکانی دەستیکردووە بە بەکارهێنانی پارەی نەختینەیی وڵاتەکەی و کەمبوونەوەی یەدەکی وڵاتەکە.
ئەو پسپۆڕە دەشڵێت: دەستوەردانی تورکیا لە وڵاتان و هەرێمەکانی هاوسنوری وڵاتەکەی گوشارێکی نێودەوڵەتی گەورەی لەسەر دروستکردووە و ئەمەش وایکردووە قەرزەکانی لەسەر زیاتر بێت بەهۆی جوڵانی هێزی سەرباز و بەکارهێنانی چەکە جەنگییەکان.
دەشڵێت: هۆکارێکی تریش بێبەش بوونی تورکیایە لە سوود وەرگرتن لە کەرتی گەشتیاری و کەمی سەردانیکاری ئەو وڵاتە بەهۆی ڤایرۆسی کۆرۆناوە.
بەهای دراوی تورکی بەرامبەر بە دۆلاری ئەمریکی لەماوەی رابردوودا دابەزینی زۆری بەخۆیەوە بینیووە، بەجۆرێک له‌ماوه‌ی یه‌ك ساڵی ڕابردوو به‌های لیره‌ی توركی به‌رامبه‌ر دۆلاری ئه‌مریكی 47.10%ی به‌هاكه‌ی له‌ده‌ستداوه‌. کاریگەرییە نەرێنییەکانی لەسەر وڵاتەکە دەبینرێت.
بەشی بکە لە
Previous Next
Close
Test Caption
Test Description goes like this