هاتووچۆ بۆ شاخى به‌رانان قه‌ده‌غه‌ ده‌كرێت

0
175

SNN – سیروان حه‌سه‌ن
له‌به‌ر ئه‌وه‌ى له ‌ئێستادا وه‌رزى گه‌وره‌بوونى بێچووه‌ ئاسكه‌ قایمقامیه‌تى قه‌زاى ده‌ربه‌ندیخان له‌سه‌ر داواى پۆلیسى دارستان هاتووچۆى شاخى به‌رانان قه‌ده‌غه‌ ده‌كات كه‌ ئاسك و ئاژه‌ڵى كێوى زۆرى تێدایه‌.

عادل جه‌لال، به‌ڕێوه‌به‌رى پۆلیسى دارستانى ده‌ربه‌ندیخان به‌ SNNى راگه‌یاند:” له‌ ئێستادا وه‌رزى كه‌ڵه‌ هه‌رزه‌یه‌ و ئاژه‌ڵێكى زۆر به‌ شاخى به‌رانانى سنوورى شارى ده‌ربه‌ندیخانه‌وه‌یه‌ به‌ تایبه‌تى بێچووه‌ ئاسك، بۆیه‌ داوامان له‌ ئیداره‌ى شارى ده‌ربه‌ندیخان كردووه‌ هاتووچۆ بۆ شاخى به‌رانان قه‌ده‌غه‌ بكات”.

وتیشى: “قایمقامیه‌تى ده‌ربه‌ندیخان نووسراوى لایه‌نه‌ په‌یوه‌ندیداره‌كان كردووه‌ و هاووڵاتییانى ئاگاداركردووه‌ته‌وه‌ له‌ 15ى تشرینى دووه‌م تاوه‌كو 15كانونى یه‌كه‌م، واتا بۆ ماوه‌ى یه‌ك مانگ هاووڵاتییان سه‌ردانى شاخى به‌رانان نه‌كه‌ن بۆ ئه‌وه‌ى ئه‌و ئاژه‌ڵانه‌ زیانیان به‌رنه‌كه‌وێت”.

به‌ڕێوه‌به‌رى پۆلیسى دارستانى ده‌ربه‌ندیخان باسی له‌وه‌شكرد: “له‌ حاڵه‌تێكدا هاووڵاتییان پابه‌ندنه‌بن و هه‌ركه‌س سه‌ردانى شاخه‌كه‌ بكات ناچارده‌بن له‌ڕێگه‌ى مه‌فره‌زه‌كانییانه‌وه‌ لێكۆڵینه‌وه‌ بكه‌ن و رووبه‌رى یاسایان بكه‌نه‌وه”‌.

شاخى به‌رانان كه‌ به‌ ته‌نیشت شارۆچكه‌ى ده‌ربه‌ندیخانه‌وه‌یه‌ ئاژه‌ڵێكى كێوى زۆرى تێدا ده‌ژی به‌ تایبه‌تى ئاسك.

بەشی بکە لە
Previous Next
Close
Test Caption
Test Description goes like this