سه‌رۆكى پێشووی زانكۆی کەرکوک و به‌ڕێوه‌به‌رێكى هاتووچۆ به‌ بەندکردن سزادران

0
650

SNN- سیروان حه‌سه‌ن 

بەهۆی ساغبوونه‌وه‌ى ئه‌و تۆمه‌ته‌ى درابووە پاڵی، سه‌رۆكى پێشووی زانكۆى کەرکوک به‌ دوو ساڵ و به‌ڕێوه‌به‌رى پێشووى هاتووچۆى کەرکوک به‌ حه‌وت ساڵ زیندانیکردن سزادران.

به‌پێى ئه‌و زانیارییانه‌ى ده‌ست SNN كه‌وتوون له‌ لایه‌ن دادگاوه‌، به‌ تۆمه‌تى تێوه‌گلانى به‌ گه‌نده‌ڵى و به‌ هه‌ده‌ردانى پاره‌ى زانكۆ و سامانى گشتى، سزاى زیندانى بۆ سه‌رۆكى پێشووى زانكۆى کەرکوک “د. عه‌باس حه‌سه‌ن ته‌قى” ده‌رچووه‌ به‌ دوو ساڵ حوكمدانى”.

هه‌ر‌ به‌پێى زانیارییه‌كان، سزاى حه‌وت ساڵ زیندانى بۆ بەڕێوه‌به‌رى پێشووى هاتووچۆى کەرکوک “عه‌قید شێرزاد ئه‌حمه‌د” ده‌ركراوه‌ كه‌ ناوبراو له‌ گه‌ڵ چه‌ند ئه‌فسه‌ر و كارمه‌ندێكى پۆلیس تێوه‌گلاون به‌ تۆماركردنى ئۆتۆمبیل به‌ شێوه‌ى نایاسایى به‌ تایبه‌ت ئۆتۆمبێلى تۆیۆتا كراون ناسراو به‌ مه‌لیكه.

به‌پێى به‌داوداچوونه‌كانى SNN عه‌قید شێرزاد له‌ دواى 16ى ئۆكتۆ‌به‌ره‌وه‌ ئه‌و دۆسییه‌ى له‌سه‌ر كراوه‌ته‌وه‌ له‌ ساڵى 2018ه‌وه‌ له‌گه‌ڵ ژماره‌یه‌ك ئه‌فسه‌ر و كارمه‌ندى پۆلیس له‌ شارى به‌غدا بەندن.

سه‌رۆكى زانكۆى کەرکوکیش له‌ دۆسیه‌كه‌یدا چه‌ند مامۆستا و فه‌رمانبه‌رى زانكۆى له‌ گه‌ڵدایه‌ و پێشتر نابراو زیندانى كرا و دواتر به‌ كه‌فاله‌ت ئازاد بوو بوو.

بەشی بکە لە
Previous Next
Close
Test Caption
Test Description goes like this