له‌به‌ر خراپ به‌كارهێنانى ژینگه‌ى رووبارى سیروان سێ كارگه‌ و شۆفڵێک سزا دران

0
87

SNN- سیروان حه‌سه‌ن

له‌ لایه‌ن به‌ڕێوه‌به‌رایه‌تى نه‌وت و كانزاكانى گه‌رمیانه‌وه‌ سێ كارگه‌و ئۆتۆمبیلێك له‌به‌ر تێكدانى ژینگه ‌و پابه‌ندنه‌بوون به‌ ڕێنماییه‌كان له‌ كاتى كاركردنیان له‌سه‌ر رووبارى سیروان به‌هۆى سه‌رپێچییه‌وه‌ سزادران.

یادگار فه‌تاح به‌رێوه‌به‌رى نه‌وت و كانزاكانى گه‌رمیان به‌ snnى راگه‌یاند: له‌ كاتێكدا چاودێرى كانه‌كانى سه‌ر رووبارى سیروان ده‌كه‌ن بۆیان ده‌ركه‌وت سێ كان شۆڤڵێك پابه‌ند نه‌بوون به‌ رێنماییه‌كانه‌وه‌.

وتیشى ” له‌و‌ شوێنه‌ى بۆیان دیاریكرابوو چوونه‌ته‌ ده‌ره‌وه‌ هه‌ربۆیه‌ له‌ لایه‌ن به‌ڕێوه‌به‌رایه‌تییه‌كه‌یانه‌وه‌ سێ كارگه‌كه‌و خاوه‌نى ئۆتۆمبیله‌كه‌ سزادراون و له‌ كاتى دووباره‌ كردنه‌وه‌ش سزاكه‌یان قورستر ده‌كه‌ن”.

ماوه‌یه‌كه‌ چالاكوانانى ژینگه‌ له‌ گه‌رمیان داوا ده‌كه‌ن كارگه‌كانى چه‌و لم له‌سه‌ر رووبارى سیروان دوربخرێنه‌وه‌ بۆ ئه‌وه‌ى ژینگه‌ى رووباره‌كه‌و داره‌كانى پارێزراوبن. له‌لایه‌ن به‌ڕێوه‌به‌رایه‌تى نه‌وت و كانزاكانى گه‌رمیانیشه‌وه‌ مه‌رجه‌كانى ئیشكردنى ئه‌و كارگانه‌ توندوتۆڵتر و زیاتر كراوه‌.

بەشی بکە لە
Previous Next
Close
Test Caption
Test Description goes like this