هورمز: دوو كه‌شتى ئێرانى یه‌كتریيان بۆمباران كرد و ده‌یان كوژراو و بریندار هه‌یه‌

0
3378
كه‌شتیه‌كى جه‌نگى | فۆتۆ: PH1 Terry Cosgrove/USN

كه‌مێك له‌مه‌وبه‌ر له‌ گه‌رووى هورمز دوو كه‌شتى ئێرانى به‌هه‌ڵه‌ یه‌كترییان بۆردومان كرد، به‌پێى زانیارییه‌ سه‌ره‌تاییه‌كانیش، “10 پاسدار كوژراون”.

به‌پێى سه‌رچاوه‌كانى هه‌واڵ، “رووداوه‌كه‌ له‌كاتێكدا روویداوه‌ كه‌ دوو كه‌شتى سه‌ربازى ئێرانى له‌ گه‌رووى هورمز به‌هه‌ڵه‌ ده‌ستیانكردووه‌ به‌ بۆمبارانكردنى یه‌كترى له‌كاتى راهێنان دا، به‌هۆیه‌وه‌ 10 پاسدار كوژراون و 40 پاسدار برینداربوون و به‌شێكیشیان نادیارن و ونبوون، له‌به‌ر ئه‌وه‌ چاوڕێده‌كرێت ژماره‌ى قوربانیانى رووداوه‌كه‌ هه‌ڵبكشێت”.

ئاژانسى هه‌واڵى جه‌زیره‌ له‌باره‌ى رووداوه‌كه‌وه‌ زانیارییه‌كانى پشتڕاستكردووه‌ته‌وه‌ و نووسیویه‌تى، “یه‌كێك له‌ قوربانیانى رووداوه‌كه‌ ئه‌فسه‌رێكى سه‌ربازيیه‌ كه‌ كوژراوه‌”.

ئه‌مه‌ یه‌كه‌م جار نیه‌ كه‌ رووداوى له‌م شێوه‌یه‌ رووده‌دات، به‌ڵكو له‌ سه‌روبه‌ندى كوژرانى قاسم سوله‌یمانى، فه‌رمانده‌ى فه‌یله‌قى قودسى سوپاى پاسدارانى ئێران له‌لایه‌ن ئه‌مریكا-وه‌، ئه‌و وڵاته‌ به‌هه‌ڵه‌ فڕۆكه‌یه‌كى ئۆكرانى خسته‌خواره‌وه‌ و به‌هۆیه‌وه‌ 176 سه‌رنشینى فڕۆكه‌كه‌ گیانیان له‌ده‌ستدا.

 

بەشی بکە لە
تاگەکانئێران
Previous Next
Close
Test Caption
Test Description goes like this