هەفتەی کارسازی جیهانی لە کەرکوک و سلێمانی بەڕێوەدەچێت

0
136

SNN- هەڵکەوت سەروەت

ڤیم فاوندەیشن هەفتەی کارسازی جیهانی لە کەرکوک و سلێمانی بەڕێوەدەبات، لە قۆناغی یەکەمدا لە سلێمانی 11 گەنج دەبن بە خاوەنی کاری خۆیان.

هەفتەی کارسازی جیهانی ساڵانە لە 170 وڵاتی جیهان لە 16 بۆ 22ی نۆڤەمبەر بەرێوەدەچێت، بۆ ئەمساڵ عێراقیش یەکێکە لەو وڵاتانەی بەشدارە، ڤیم فاوندەیشن لە سلێمانی بە هاوئاهەنگی لەگەڵ میسۆپۆتامیا و لە کەرکوک بە هاوئاهەنگی لەگەڵ میسۆپۆتامیا و کۆکار هەفتەی کارسازی جیهانی بەڕێوەدەبات.

ئەحمەد نەجم جێگری بەڕێوەبەری ڤیم فاوندەیشن بە ئێس ئێن ئێنی راگەیاند، هەفتەی کارسازی جیهانی رۆژانی 18 و19ی نۆڤەمبەر لە کەرکوک بەرێوەدەچێت، لە سلێمانیش 19، 20 و 21ی نۆڤەمبەر بەرێوەدەچێت، لە هەفتەی کارسازی جیهانیدا رەچاوی دووری کۆمەڵایەتی دەکرێت و رێنماییە تەندروستییەکان جێبەجێدەکرێت.

جێگری بەڕێوەبەری ڤیم فاوندەیشن هەروەها دەڵێ، لە هەفتەی کارسازی جیهانیدا لە سلێمانی هەشت کۆمپانیای کارساز بانگهێشت کراون تاوەکو ئەزموونی خۆیان بۆ ئەو گەنجانە بخەنەڕوو کە دەیانەوێت دەست بە کاری خۆیان بکەن.

هاوکات 11 براوەکانی پڕۆژەی بازرگانی بچووک کە ڤیم فاوندەیشین پێشتر رایگەیاندبوو، دەست بە کار دەبن و لە هەنگاوی یەکەمدا راهێنانیان پێ دەکرێت و پشتگیری دارایی دەکرێن.

ئەو 11 گەنجەی کە براوەی بازرگانیی بچووکن، لە شەش مانگی داهاتوودا دەبن بە خاوەنی کۆمپانیای خۆیان، راهێنانی ژمێریاری، مارکێتینگ و ئیدارییان  پێدەکرێت،   پاڵپشتی دارایی دەکرێن و لەگەڵیان بەردەوام دەبن تاوەکو دەگەن بەو ئامانجەی هەیانە.

گرافیکی ناوی براوەکان

سەبارەت بە ئامانجی هەفتەی کارسازی جیهانی، ئەحمەد نەجم دەڵێ، ئەو گەنجانەی خاوەنی بیرۆکەی کارن و دەستیان پێکردووە یاخود بیرۆکەیان هەیە و بەربەستیان هاتووەتە پێش پاڵپشتی دارایی و پیشەییان  دەکرێت  تاوەکو ببن بە خاوەنی کۆمپانیا و کاری خۆیان.

هەر لە هەفتەی کارسازی جیهانیدا لە سلێمانی، جۆناس نیێڵسن کارسازی سویدی بەشدارە و باسی سیستەمێکی کشتوکاڵی دەکات کە دەکرێت لە کوردستان جێبەجێبکرێت بۆ کەمکردنەوەی بەفیڕۆدانی ئاو و زیادکردنی بەرهەم.

چەند پانێڵێکیش لەبارەی، بەربەستەکانی بەردەم کارسازی ژنان و کشتوکاڵ و ژینگە، توندوتیژی جێندەری، ئاژەڵان و نەشتەرگەریی ئاژەڵان و کوتانی ئاژەڵان و بازرگانی بە ئاژەڵی کێوی بەڕێوەدەچێت جگە لە پێشانگایەکی فۆتۆگرافەری لەسەر پیسبوونی ئاو گۆڕانکاریی ژینگەیی

هەر لە هەفتەی کارسازیی جیهانیدا لە سلێمانی پانێڵ بۆ کێشە جێندەرییەکان و ژینگە و مافی ئاژەڵان و پاراستنیان،

بەهیزکردنی کارسازی و پشتگیریکردنی گەنجان ساز دەکرێت و ماوەی  سێ رۆژ بەردەوامدەبێت لە کاتژمێر 10 بۆ 5ی ئێوارە.

بەشی بکە لە
Previous Next
Close
Test Caption
Test Description goes like this