
یەکێک لە خوێندنگاکانى هەرێمى کوردستان | فۆتۆ: SNN
SNN-عەلی حەمە سەعید
لەگەڵ نزیكبوونەوە لە كۆتایی هاتنی ئەو وادەیەی كە وەزارەتی پەروەردە و لیژنەی باڵای رووبەڕووبوونەوەی كۆرۆنا دایاننابوو بۆ راگرتنی دەوام لە ناوەندەكانی خوێندن، سەرۆكی یەكێتی مامۆستایان رایدهگهیهنێت: زۆرینەی كەسوكاری قوتابیان لەگەڵ ئەوەدان پرۆسەی خوێندن دەستپێبكاتەوە، دهشڵێت: “هیچ مەترسییەك نابینین كە خوێندنی ئەمساڵ هەژمار نەكرێت”.
عەبدولواحید محەمەد، سەرۆكی یەكێتی مامۆستایانی كوردستان بە SNNی راگەیاند: “لە كۆتایی ئەم مانگەدا جارێكی دیكە وەزارەتی پەروەردە و لیژنەی باڵای رووبەڕووبوونەوەی كۆرۆنا جارێكی دیكە كۆدەبنەوە، بڕیار لەسەر كردنەوەی دەرگای ناوەندەكانی خوێندن دەدەن یاخود بڕیارە لەسەر درێژكردنەوەی داخستنی دەرگای ناوەندەكانی خوێندن دەدەن، ئەوەش لەسەر بنەمای ئەو هەڵسەنگاندنانەی كە لە لایەنە پەیوەندیدارەكان بۆ دۆخی كۆرۆنا ئەنجامی دەدەن”.
وتیشى: “كاتێك دەتوانرێت هەڵسەنگاندن بۆ پرۆسەی خوێندن بكریت لەلایەن رێكخراوی یونسێفەوە كە بارودۆخی كۆرۆنا ئاسایی بێتەوە، بەڵام ئێستاشی لەگەڵدا بێت هێشتا بڵاوبوونەوەی كۆرۆنا و تووشبوون و مردن لە هەموو جیهاندا بەردەوامی هەیە، ئەمەش لەسەر ئاستی جیهان گرفتی بۆ پرۆسەی پەروەردە و فێركردن دروستكردووە، بۆیە ئەمە بابەتێكی بەرپرسیاریەتییە و دەبێت بە وریاییەوە مامەڵەی لەگەڵ بكرێت”.
سەرۆكی یەكێتی مامۆستایانی كوردستان ئەوەشی خستەڕوو: “ئەوەندەی بەدواداچوونمان كردبێت زۆربەی كەسوكاری قوتابیان پێان باشە پرۆسەی خوێندن دەستپێبكاتەوە و مەرجە تەندروستییەكان بگیرێنەبەر، بۆیە ئێمە وەك خۆمان هیچ مەترسییەك نابینین كە چارەنووسی خوێندنی ئەمساڵ بفەوتێت و هەژمار نەكرێت، بەڵام پێویستمان بەكاتی زیاتر دەبێت”.
لەگەڵمانبە
هەواڵی زیاتر
زۆرترین بینراو
-
هۆکاری كوشتنی پۆلیسهكهی كهركوك ئاشکرابوو
2020-05-27
ئەرشیف
دەربارەی ئێمە
ئەرکمان پێدانی هەواڵی ڕاست و دروستە دەربارەی هەرێمی کوردستان و عێراق و ناوچەکە بە گشتی، لە ڕێگەی ستانداردەکانمانەوە هەوڵ بۆ باشترینەکان دەدەین.
ئەگەر لەبیرت کرد
وەرزش
-
دیارترین ئەو 5 یاریزانەی مایەپوچبوون
2020-05-26 -
مباپی بڕیارە چاوەڕوان نەکراوەکەی دا
2020-05-17