شەپۆلێکی بەفر و باران لە دوو ڕۆژی داهاتوودا هەرێمی کوردستان دەگرێتەوە

0
1267

SNN- بڕیار محەمەد

وتەبێژی کەشناسى هەرێم رایدەگەیەنێت: سبەینێ هەینی لەبەشێک لە ناوچەکانى هەرێم باران بارین دەست پێدەکات و لە لوتکەى شاخە سنوورییەکانیش بەفر دەبارێت.

بژار ئەکرەم وتەبێژی بەڕێوەبەرایەتى گشتى کەشناسى و بومەلەرزەزانى هەرێمی کوردستان بە SNNی ڕاگەیاند سبەینێ هەینى لەگەڵ درێژبوونەوەى کاریگەرى یەکگرتنى هەردوو نزمە پاڵەپەستۆى دەریاى ناوەڕاست و دەریاى سوور، ئاسمانى بەشێک لە ناوچەکانى هەرێم دەگۆڕێت بۆ نیمچە هەور و هەورى تەواو، لەگەڵ دەستپێکردنى باران بارین لە کاتەکانى دواى نیوەڕۆ لە ناوچە شاخاوییەکان و دواتر ئاست و رێژەى باران بارین لەشەودا زیاد دەکات و باران لە زۆربەى ناوچەکان دەبارێت و لەسەر لوتکەى شاخە بەرزە سنوورییەکان بەفربارین دەبێت و پلەکانى گەرما کەمێک روو لە نزمبوونەوە دەکەن.

وتیشی “کاریگەرى ئەم شەپۆلى باران و بەفرە تا ئێوارەی ڕۆژى شەممە بەردەوام دەبێت”.

بەشی بکە لە
Previous Next
Close
Test Caption
Test Description goes like this