ئۆباما نهێنی سەیر لەبارەی شا و سەرکردەکانی عەرەبەوە ئاشکرا دەکات

0
341

SNN

باراک ئۆباما سەرۆکی پیشووی ئەمریکا لە کتێبە نوێیەکەیدا کە یاداشتەکانی خۆی تێدا نووسیوەتەوە بەناوی (زەوی بەڵێن) نهێنی چەند سەرکردە و شاهنشایەکی عەرەب دەگیڕێتەوە.

ئۆباما لە کتێبەکەیدا باسی هەڵسوکەوتەکانی سەرۆکی ئەوکاتی میسر و وەرگرتنی خشڵ و زێڕ دەکات کە شای سعودیە بۆی پێشنیاز کردووە.

ئۆباما لە یاداشتەکانیدا دەڵێت “کاتێک ساڵی 2009 سەردانی میسرم کرد، بینیم حوسنی موبارەک سەرۆکی ئەو کاتی میسر کەسێکی غافڵگیر و بێئاگا بوو لە دەرەوەی خۆی، بەهۆی تەمەنەکەیەوە”.

دەشڵێت: “دیقەتم دابوو موبارەک تەنیا بەریەککەوتنی لەگەڵ ئەو چواردەورەی خۆی هەبوو کە رۆژانە لە کۆشکەکەی چاوی پێدەکەوتن”.

ئۆباما ئەوەشی نووسیوە: “کە ئەو سەرکردە بەساڵاچووانە تەنانەت توانای جیاکردنەوەی بەرژەوەندییەکانی خەڵک و بەرژەوەندی تایبەتی خۆشیان نەمابوو”.

لە هاەمان گەشتیدا ئۆباما باسی سەردانێکی دەکات بۆ کۆشکی شاهانەی سعودیە و دەڵێت: “وەک ئەوە وابوو چووبێتمە ناو دنیایەک کە هەموو رەنگەکانی تێدا بوو، بەڵام بێدەنگ بوون”.

ئۆباما دەشڵێت: “لە کاتی سەردانەکەدا بۆ عەرەبستانی سعودیە لەلایەن خانەوادەی شاوە خشڵ و زێڕێکی زۆرم بە دیاری بۆ هات، بێئەوەی ئاشکرای بکات کە وەریگرتوون یاخود نا”.

ئۆباما نووسیوێتی: “لە خوانێکدا پرسیارم لە شا عەبدولعەزیز شای کۆچکردوو کرد کە تۆ چۆن کۆنترۆڵی 12 هاوسەر و 40 کوڕ و ئەو هەموو کچەز و کوڕەزایەت دەکەیت لەم کۆشکەدا؟ وەڵامی دامەوە بەوەی “ئەو کارە زۆر لە سیاسەتکردن لە خۆرهەڵاتی ناوەڕاست قورسترە”.

کتێبەکەی باراک ئۆباما دوو بەشە و باسی ژیانی منداڵیی خۆی دەکات تا ماوەی دوای سەرۆکایەتیکردنی ویلایەتە یەکگرتووەکانی ئەمریکا.

باراک ئۆباما لەدایکبووی ساڵی 1961 لە ویلایەتی ھاوایی، زانکۆی کۆڵۆمبیا و زانکۆی هارڤەردی تەواو کردووە، ئەندامی حیزبی دیموکراتی ویلایەتە یەکگرتووەکانی ئەمریکا بووە، سیناتۆری ویلایەتی ئیلینووا بووە، چل و چوارەمین سەرۆککۆماری ویلایەتە یەکگرتووەکانی ئەمریکا بوو لە ساڵی 2008 – 2016.

بەشی بکە لە
Previous Next
Close
Test Caption
Test Description goes like this