فەرماندەیەکی ئەمریکی: توانیومانە سنوورێک بۆ هەژموونی ئێران لە خاکی عێراق دابنێین

0
99

SNN

دوای ئەوەی ئیدارەی ئەمریکا بڕیاریدا بە کشانەوەی هێزەکانی ئەمریکا لە عێراق، فەرماندەی فەرماندەیی ناوەندی ئەمریکا ناڕەزایی نیشاندا و وتی: مانەوەی هێزەکانی ئەمریکا کاریگەری زۆربووە و توانیویشمانە سنوورێک بۆ هەژموونی ئێران لە عێراق دابنێین.
کێنس مەکەنزی فەرماندەی فەرماندەیی ناوەندی ئەمریکا لە میانی ڤیدیۆ کۆنفرانسێکدا رایگەیاند: بەغدا خوازیارە هێزەکانی ئەمریکا لە عێراق بمێننەوە لەپێناو بەردەوامیدان بە شەڕی دژ بە داعش.
مەکەنزی لە درێژەی قسەکانیدا باسی لە مەترسییەکانی داعش لەسەر ناوچەکە کرد و رایگەیاند: “هێشتا داعش هەڕەشەیەکی ئەمنی جددیە بۆ سەر ناوچەکە و هەزاران پشتیوانیان لە عێراق و سوریا ماوە، پێویستە هێزەکانی ئەمریکا لە عێراق بهێڵدرێنەوە بۆ ئەوەی رێگربن لە سەرهەڵدانەوەی ئەو رێکخراوە”.
ئەمەش لەکاتێکدایە دۆناڵد ترەمپ پلانی هەیە تا کۆتاییهاتنی ماوەی سەرۆکایەتیەکەی دوو هەزار و 500 سەرباز لە عێراق بکشێنێتەوە 500 سەرباز بهێڵێتەوە.

بەشی بکە لە
Previous Next
Close
Test Caption
Test Description goes like this