بۆ خولی فوتساڵی یانه‌ پله‌ یه‌كه‌كانی كوردستان كچانی كه‌ركوك به‌رگری له‌ رانیه‌ ده‌كه‌ن

0
128
یانەی رانیە

حسێن كه‌ركوكی-SNN Sport

 ده‌سته‌ی كارگێری یانه‌ی وه‌رزشی رانیه‌  بۆ خولی فوتساڵی كچانی یانه‌ پله‌ یه‌كه‌كانی كوردستان متمانه‌ی به‌خشیه‌ راهێنه‌ر ( قاسم جه‌میل ) وكچه‌كانی.

له‌مبارەوە سه‌باح ساڵح  سه‌رۆكی یانه‌ی رانیه‌ بۆ (SNN Sport) وتی:” به‌ هۆی ئه‌و ئه‌زمونه‌ی هه‌یه‌تی  وه‌كو ناوێكی دیاری فوتساڵی كچان له‌ سه‌ر ئاستی عێراق و كوردستان، یانه‌ی رانیه‌ متمانه‌ی به‌خشییه‌ قاسم جه‌میل بۆ پێكهێنانی و سه‌رپه‌رشتیكردنی تیپی كچانی یانه‌كمان له‌ خولی فوتساڵی پله‌ یه‌كی كوردستان”.

له‌ لای خۆیه‌وه‌  راهێنه‌ر ( قاسم جه‌میل ) وتی:”پاش راسپاردنمان  ئاماده‌كارییەكانمان چڕتر كردووەته‌وه‌ و رۆژانه‌ راهینان ده‌كه‌ین”.

وتیشی:” پێكهاته‌كه‌ی تیپه‌كه‌  به‌حوكمی ئه‌وه‌ی له‌ خولی عێراق بۆ یانه‌ی نەو‌تی باكوور یارییانكردووه‌ و ده‌كه‌ن ، ئاماده‌كاری باشیان هه‌یه‌، سه‌رباری ئه‌وه‌ی چه‌ند یاریزانێكی به‌ توانای  تیپه‌كه‌  بۆ یانه‌كانی كوردستان یاری ده‌كه‌ن”.

هه‌روه‌ها وتی:” هیوادارین تا ده‌ستپێكردنی خوله‌كه‌ ئاماده‌كارییه‌كانمان ته‌واو بكه‌ین و بتوانین به‌ باشترین شێوه‌ نوێنه‌رایه‌تی شاری ده‌روازی راپه‌رین بكه‌ین، كه‌ هه‌موومان قه‌رزاری ئه‌و شارەین  به‌ تایبه‌تی كه‌ركوكیه‌كان”.

جێی باسه‌ خولی فوتساڵی پله‌ یه‌كی كوردستان وا بریاره‌ له‌ سه‌رەتای مانگی داهاتوو ده‌ستپێبكات.

n )

 

 

 

بەشی بکە لە
Previous Next
Close
Test Caption
Test Description goes like this