پێشانگای نێودەوڵەتی سلێمانی بۆ کتێب ئاستی چاوەڕوانییەکانی تێپەڕاند

0
150

هەڵکەوت سەروەت-SNN

پاش دوو ڕۆژ لە کردنەوەی دووەم پێشانگای کتێب لە سلێمانی سەردانیکارێکی زۆر بەشدارییان لەو پێشانگایە کردووە و بەرپرسانی پێشانگاکەش دەڵێن وەڵامدانەوەی هاووڵاتیان زۆر زیاتر بووە لە ئاستی چاوەڕوانی خۆمان.

مەروان حەمە خورشید بەرپرسی ڕاگەیاندنی پێشانگاکە تایبەت بە SNN وتی: ئەم ساڵ 200 ناوەند و چاپەمەنی بەشدارییان کردووە و بە هەزاران کتێب لە پێشانگاکەدا هەیە.

وتیشی: لە 17 وڵاتی جیهانەوە بەشداری لە پێشانگاکەدا کراوە، لە نێویشیاندا وڵاتانی ئەوروپی و سێ پارچەکەی دیکەی کوردستان و زیاتر 10 جۆر کتێبی بە زمانە جیاوازەکان دەست دەکەوێت.

لە پێشانگای کتێبی ئەم ساڵ لە سلێمانی کڕیاران بەنرخێکی گونجاو دەتوانن کتێبەکان بکڕن و ڕۆژانەش 10 خەڵات کە بڕە پارەیەکە دەدرێتە کڕیاران و ماوەی ۱۰ ڕۆژ بەردەوام دەبێت.

پەرتووکە ئایینی و مەزهەبییەکان لە رۆژى یەکەمى پێشانگاکەدا زۆرترین کڕیاریان هەبوو، دواى ئەوانیش پەرتووکى زانستى و فەلسەفى.

 

بەشی بکە لە
Previous Next
Close
Test Caption
Test Description goes like this