“16 چه‌كدارى داعش له‌ كه‌ركوك كوژران”

0
470

SNN – سیروان حه‌سه‌ن

له‌ سنوورى كه‌ركوك له‌ ئۆ‌پراسیۆنێكى هێزه‌ ئه‌منییه‌كاندا به‌ هاوكارى فڕۆكه‌ى جه‌نگى هاوپه‌یمانان 16 چه‌كدارى داعش كوژران، بڕێكى زۆر پاره ‌و كه‌ره‌‌سته ‌و چه‌ك و پێداویستیش ده‌ستیان به‌سه‌ردا گیرا.

به‌پێى زانیارییه‌كانى SNN كه‌ له‌ هێزه‌ ئه‌منییه‌كانه‌وه‌ ده‌ستیكه‌وتوون، “له‌ ئۆپراسیۆنێكى هێزه‌كانى دژه‌ تیرۆری عێراقی له‌سه‌ر رێگاى كه‌ركوك بۆ تكریت، به‌ دیاریكراوى له‌ ناوچه‌ى دۆڵى خه‌ناجر و زه‌غیتون 16 چه‌كدارى داعش كوژراون”.

ئۆپراسیۆنه‌كه‌ به‌ هاوكارى فڕۆكه‌ى هێزه‌كانى هاوپه‌یمانان بووه‌ و له‌ دوێنێوه‌ تاوه‌كو ئه‌مڕۆ هه‌ینى چه‌ندینجار مۆڵگه‌ و پێگه‌كانى چه‌كدارانى داعشیان له‌و ناوچانه‌ بۆردومان كردووه‌.

هه‌ر به‌پێى زانیارییه‌كان، “له‌دواى كوشتنى ئه‌و چه‌كدارانه‌ى داعش ده‌ستگیراوه‌ به‌سه‌ر بڕێكى زۆر پاره‌ى عێراقى و دۆلارى ئه‌مه‌ریكى، هاوكات چه‌ك و پێداویستى چه‌كداره‌كان كه‌وتووه‌ته‌ ده‌ستى هێزه‌ عێراقییه‌كان”.

ماوه‌یه‌ك له‌مه‌وبه‌ر له ‌بۆردومانێكى فڕۆكه‌ جه‌نگیيه‌كانى هاوپه‌یمانان له‌ نێوان خانه‌قین بۆ جه‌له‌ولا حه‌وت چه‌كدارى داعش كوژران.

 

 

بەشی بکە لە
Previous Next
Close
Test Caption
Test Description goes like this