گواردیۆلا  دڵی هاندەرانی بەرشەلۆنە خۆشدەکات

0
185
میسی و گواردیۆلا

SNN Sport

پیپ گواردیۆلای ئیسپانی راهێنه‌ری مانچسته‌رسیتی  سه‌ر له‌ نوێ دووپاتی كرده‌وه‌ كه‌ خوازیاره‌ لیۆنێل میسی ئه‌فسانه‌ی یانه‌ی به‌رشەلۆنه‌ی ئیسپانی به‌رده‌وام بێت  له‌ ریزی یانه‌ كه‌ته‌لۆنیه‌كه، ئەمەش‌ له‌  سایه‌ی ئه‌و هه‌واڵانەی كه‌ ئاماژه‌ و ئاره‌زووی یاریزانە ئاشکرا ده‌كه‌ن به‌ رۆشتن لەو یانەیە.

میسی پاش شكسته‌ قورسەکەی به‌رامبه‌ر یانەی بایر میونخ له خولی‌ یانەی پاڵه‌وانەكانی ئه‌وروپا داوای له‌ ئیداره‌ی به‌رشەلۆنه‌ كردووه‌ رێگەی رۆشتنی پێبدات و ناوی گرێدرابوو به‌ گواستنه‌وه‌ بۆ یانه‌ی مانچسته‌ر سیتی.

به‌پێی رۆژنامه‌ی (زه‌ سه‌ن )ی بەریتانی بێت، یانه‌ی مانچسته‌ر سیتی ئۆفه‌رێك به‌ بڕی 50 ملیۆن یۆرۆ پێشكه‌ش ده‌كات  له‌ پێناو كڕینی میسی  و یارمه‌تیدانی یانه‌ كه‌ته‌لۆنیه‌كه‌  لەو‌ قه‌یرانه‌ داراییه‌ی کە به‌ هۆی ڤایرۆسی كۆرۆناوه یانەکە تووشی بووە.

گواردیۆلا بۆ تۆڕی(manchestereveningnews) له‌ وه‌ڵامی  ئایا میسی پەیوەندی بە یانەی مانچستەرسیتی دەکات ؟ وتی:” میسی یاریزانی به‌رشەلۆنه‌یه‌،من شانازی ده‌كه‌م و سوپاسگوزارم بۆ ئه‌وه‌ی به‌رشەلۆنه‌ له‌ پیناو من كردی ،ده‌مه‌وێت كاروانه‌كه‌ی له‌ و یانەیە ته‌واو بكات “.

له‌ كۆتاییدا وتی:” نازام چی له‌ مێشكیدا ده‌سوڕێت، ئێستا ئه‌و یاریزانی به‌رشلۆنه‌یه‌  من ناتوانم هیچ شتێكی تر بڵێم”.

 

بەشی بکە لە
Previous Next
Close
Test Caption
Test Description goes like this