پاش سكاڵاكه‌ی حه‌مودی لیژنه‌ی ئۆڵۆمپی  عێراق سڕكرا

0
51
رەعد حەمودی و عەبدولئیلا

SNN Sport

لیژنه‌ی ئۆڵۆمپی عێراق نامه‌یه‌كی به‌ په‌له‌ی هاوتا نێوده‌وڵه‌تیه‌كه‌ی پێگه‌یشتووه‌ و ئاگاداری ده‌كاته‌وه‌ به‌ سڕكردنی كاره‌كانی.

نزار ئه‌حمه‌د  پارێزه‌ری سه‌رۆكی لیژنه‌ی ئۆڵۆمپی عێراق له‌ لێدوانێكیدا کە میدیا عێراقییەکان بڵاویانکردووەتەوە وتی:” لیژنه‌ی ئۆڵۆمپی  نێوده‌وڵه‌تی هه‌ڵبژاردنه‌كانی كۆمیته‌ی ته‌نفیزی ره‌تنه‌كردووەته‌وه‌  كه‌ رۆژی 14ی ئه‌م مانگه‌ به‌رێوه‌چوو و شه‌رعیه‌تی سه‌رۆكی پێشوو ره‌عد حه‌مودی نەگەڕاندووەتەوە”.

روونیكرده‌وه‌ كه‌:” لیژنه‌ی ئۆڵۆمپی  نێوده‌وڵه‌تی ئەندامێتی لیژنه‌ی ئۆڵۆمپی عێراقی سڕكردووه‌ و ته‌نیا به‌ مه‌به‌ستی كاربه‌ڕێكردن ، ئه‌و ته‌نیا دان به‌ سه‌رۆكی پێشووی ماوه‌ به‌ سه‌رچوو ره‌عد حه‌مودی ده‌نێت، ئەمەش  به‌ گفتوگۆكردن له‌گه‌ڵ لایه‌نە عێراقیه‌كان”.

ئاماژه‌ی بۆ ئه‌وه‌ كرد كه‌:” ئه‌م‌ دانپێنانه‌ به‌وه‌ی ره‌عد حه‌مودی بووه‌ سه‌رۆكی پێشوو و ماوه‌كه‌ی به‌ سه‌رچووه‌”.

جێی باسه‌ كه‌ سەرمه‌د عه‌بدولئیلا له‌ دوای هه‌ڵبژاردنه‌كانی كۆمیته‌ی ته‌نفیزی له‌ ره‌عد حه‌مودی برده‌وەو بووە سەرۆکی لیژنەی ئۆڵۆمپی عێراق و توانی 19 دەنگ بە دەستبهێنێت.

 

بەشی بکە لە
Previous Next
Close
Test Caption
Test Description goes like this