لە پەرلەمانەوە هەوڵ بۆ ئەوە دەدرێت زەوی بۆ پێشمەرگە دابینبكرێت

0
132

SNN- بریار محەمەد

جێگری لیژنەی كاروباری پێشمەرگە رایدەگەیەنێت: “لەهەوڵداین كۆمەڵێك ئیمتیاز بۆ هێزەكانی پێشمەرگە دابینبكرێت، لەناویاندا دابینكردنی زەوی، باشتركردنی ژیان و گوزەرانی هێزەكانی پێشمەرگە”.

عوسمان كەریم جێگری سەرۆكی لیژنەی پێشمەرگە لە پەرلەمانی كوردستان بە SNNی  راگەیاند: سەردانی كۆمەڵێك بارەگا و فەوجمان كردووە كە ناڕێكی هەیە لە دەوامی پێشمەرگە، لە هەندێك شوێن پێشمەرگە زۆر دەوام دەكات و لە هەندێك شوێن كەمتر دەوام دەكەن.

وتیشی: “هەوڵی دۆزینەوەی میكانیزمێك بۆ باشتركردنی ژیانی هێزەكانی پێشمەرگە دەدەین چ لە ڕێی حكومەت و دامەزراوەكان، چ بە یاسایی بێت، هەروەها هەموو هەوڵەكان بۆ ئەوەیە كۆمەڵێك ئیمتیاز بۆ پێشمەرگە دەستەبەر بكرێن وەك پێدانی زەوی”.

ئاماژەی بەوەشكرد: هەفتەی رابردووش كۆبوونەوەی لیژنەكەمان هەبووە، گفتوگۆ كرا لەسەر بەردەوامبوونی سەردان و بەدواداچوونە مەیدانییەكانی لیژنەكە بۆ ئەوەی لە نزیكەوە ئاگاداری كێشە و گرفت و داواكارییەكانی هێزەكانی پێشمەرگە بن، بتوانین لەئایندەدا كاری لەسەر بكەین و رێکاری گونجاوی بۆ بدۆزینەوە.

بەشی بکە لە
Previous Next
Close
Test Caption
Test Description goes like this