“لە ڕۆژی شەهیدانی یەکێتیدا سەرجەم کەسوکاری شەهیدان بەسەر دەکرێنەوە”

0
73

SNN

لە ڕۆژی شەهیدانی یەکێتیدا بەپرسانی یەکێتیی نیشتمانیی کوردستان بەڵێنیاندا لە دوای کۆنگرە بڕیاری بەسەرکردنەوەی سەرجەم کەس و کاری شەهیدان و بەرزڕاگرتنی شکۆی شەهیدان دووپاتکراوەتەوە.

فواد حاجی ئەبابەکر ئەندامی مەکتەبی شەهیدانی یەکێتیی بە SNNی راگەیاند: دواین کۆنگرەی یەکێتیی نیشتمانیی کوردستان دروشمی بەرزڕاگرتنی گیان فیدایی شەهیدانی حزبەکە دووپاتکراوەتەوە و بەهۆی ئەو بارودۆخەی ئێستا لەهەرێم بەهۆی ڤایرۆسی کۆرۆنا و قەیرانی داراییەوە هەیە نەتوانراوە وەک پێویست کەس و کاری شەهیدان بەسەر بکرێتەوە.

ئەو ئەندامەی مەکتەبی شەهیدانی یەکێتیی وتیشی” 20 هەزار شەهیدی حزبەکە لە پێش شۆڕش و دوای شۆڕش هەیە و زۆربەی کەسوکاریان بەسەر کراونەتەوە و سوودمە ندبوون لە وەرگرتنی زەوی و ئێستاش کار بۆ ئەوە دەکرێت شەهیدانی تری حزبەکە بەسەربکرێنەوە و ئەو ژمارەیەی کە ماوە زەوی بدرێتە کەسوکاریان”.

یەکێتیی نیشتمانیی کوردستان ڕۆژی 21ی تشرینی دووەمی وەک ڕۆژی شەهیدانی حزبەکەی دیاریکردووە و ئێستاش کار بۆ ئەوە دەکرێت کەسوکاری شەهیدان ژیانێکی شایستەیان بۆ دابینبکرێت و زۆرترین قەرەبووی ئەو کەسانە بکرێتەوە کە شەهیدیان لە پێناو کوردستان داوا.

بەشی بکە لە
Previous Next
Close
Test Caption
Test Description goes like this