زانیاری لەسەر دەستبەسەرداگرتنی مادەی هۆشبەر لە چاكسازی گەورانی هەولێر بڵاودەکرێتەوە

0
145

SNN- بریار محەمەد

بەڕێوەبەری گشتی چاكسازیەكانی هەرێمی كوردستان ئاشكرای دەكات ئەو بڕە مادە هۆشبەری دوێنی لە چاكسازی گەورانی هەولێر دەستیبەسەردا گیراوە لە پرسگەی یەكەم بووە ئەمەش جاری یەكەم نییە لە ماوەی رابردوو بە دەیان حاڵەتی لەم شێوەیە روویداوە.

د. ئەحمەد نەجمەدین بەڕێوەبەری گشتی چاكسازییەكانی هەرێمی كوردستان بەSNNی راگەیاند: دوێنی لە چاكسازی گەورانی شاری هەولێر دەستبەسەر بڕێك مادەی هۆشبەردا گیرا و رووداوەشكە بەم شێوەیە بوو لە كاتی سەردانی كردنی زیندانیان بووە هەر لە پرسگەی یەكەم كە داخڵی نێو چاكسازی دەبێت مادە هۆشبەركە دەستی بەسەر داگیراوە لێكۆلینەوەش لە رووداوەكە دەستی پێكردووە.

وتیشی “ئەمە جاری یەكەم نییە چاكسازی گەورانی هەولێریش یەكەم چاكسازی نەبووە كە حاڵەتی لەمشێوەیە روویدابێت، لە ماوەی رابردوو بە دەیان و حاڵەتی لەو شێوەیە روویداوە و جاری وا هەبووە ماددەی هۆشبەر بووە جاری واش هەبووە چەقۆ و موس و مقەست و مۆبایل لەلایەن كارمەندەكانی پرسگەی چاكسازیەكانەوە دەستی بەسەرداگیراوە”.

ئاماژەی بەوەشكرد “بوونی ئەم رووداوانە حاڵەتێكی ئاساییە چونكە لە هەموو كوردستان و عێراق و ئەوروپاش رووداوی لەم شێوەیە هەر روودەدات، بەڵام گرینگیەكەی ئەوەیە كە هیچ كەلوپەلێكی قەدەغەكراوە لە هەرێمی كوردستان ناگاتە نێو چاكسازیەكان و دەست زیندانیان”.

شایەنی باسە لە هەرێمی كوردستان شەش چاكسازیی- بەندینخانە (گەوران-پیاوان، ژنان و منداڵان و نەوجەوانان) هەن، كە دابەش بوون بەسەر پارێزگاكانی سلێمانی، هەولێر و دهۆك و لە هەر پارێزگایەك دوو چاكسازیی هەیە، هەروەها لە ئێستادا لە چاكسازییەكانی هەرێمی كوردستان-دا پێنج هەزار و 32 سزادراو هەیە، ئەوەش دوو هێندە زیاتری ئەو ژمارەیەیە، كە پێویستە لەو چاكسازییانەدا هەبێت.

بەشی بکە لە
Previous Next
Close
Test Caption
Test Description goes like this