جێگرەکەی قاسم سلێمانی ماوەی هەفتەیەکە دوور لەچاوی میدیاکان لە بەغدایە

0
138

SNN

لە رۆژی سێشەممەی رابردووەوە ئیسماعیل قائانی فەرماندەی فەیلەقی قودس لە شاری بەغدایە و درێژکردنەوەی ماوەی راگرتنی هێرشی بۆ سەر بەرژەوەندییەکانی ئەمریکا باسکردووە، ئەویش دوای ئەوەی لە ماوەی رابردوودا شکێنرا.

رۆژنامەی شەرقولئەوسەت باسی ئەوەشیکردووە کە قائانی لەگەڵ بەرپرسە عێراقییەکان دۆسیەی گرووپە چەکدارەکانی گەنگەشە کردووە کە لە پێش هەڵبژاردنەکەی ئەمریکاوە رێککەوتن کرابوو هیچ هێرشێک بۆ سەر بەرژەوەندییەکان ئەمریکا نەکرێت لە عێراق.

شانەی راگەیاندنی ئەمنیی عێراق هەفتەی رابردوو رایگەیاند “لە نزیک باڵیۆزخانەی ئەمریکا لە شاری بەغدا زیاتر لە پێنج مووشەکی جۆری کاتیۆشا کەوتنە خوارەوە لە ناو ناوچەی سەوز”.

رۆژنامەکە ئەوەشی ئاشکرا کردووە کە جێگرەوەکەی سلێمانی چاوی بە مستەفا کازمی سەرۆکوەزیرانی عێراق کەوتووە و پشتیوانی تارانی بۆ کابینەکەی دووپاتکردووەتەوە.

بەگوێرەی زانیارییەکان قائانی هەوڵدەدات گرووپە چەکدارەکان رازی بکات هێرشەکانیان بۆ سەر باڵیۆزخانە و بارەگا ئەمریکییەکان رابگرن.

دوای 5 هەفتە بۆ یەکەمجار هەفتەی رابردوو هێرشی مووشەکی کرایە سەر ناوچەی سەوزی بەغدا، ئەویش پاشئەوەی گروپی (مقاوەمەی عێراقی) رۆژی 10ی مانگی رابردوو وەستاندنی هێرشەکانی راگەیاندبوو بۆ سەر باڵیۆزخانەی ئەمریکا.

میدیای عێراقی نزیک لە ئێران بە جۆرێکی دیکە باسی سەردانی فەرماندەی فەیلەقی قودس دەکەن بۆ عێراق و دەڵێن بۆ زانینی دوایین لێکۆڵینەوەکانە لە دۆسیەی کوژرانی قاسم سلێمانی کە مانگی کانونی دووەمی ساڵی پار لە فڕۆکەخانەی بەغدا کوژرا.

بەشی بکە لە
Previous Next
Close
Test Caption
Test Description goes like this