تازه‌پێگه‌یشتووانی شۆریجه به‌گیرفانی خاڵییه‌وه ئاماده‌كاری بۆ خولی كوردستان ده‌كه‌ن
تازەپێگەیشتووانی یانەی شۆریجە
SNN Sport- حسێن كه‌ركوكی
تیپی تازه‌پێگه‌یشتووانی یانه‌ی شۆریجه میوانی نوێ خولی نایابی كوردستان ماوه‌یه‌كه دەستیان به ئاماده‌كاری كردووه.
سه‌باره‌ت به ئاماده‌كاری و گرفته‌كای تیپه‌كه‌یان ستار محه‌مه‌د سه‌رپه‌رشتیاری تیپی تازه‌پێگه‌یشتووای یانه‌ی شۆریجه بۆsnn) ) وتی:” ده‌سته‌ی كارگێری یانه‌كه بۆ ئاماده‌كردنی تیپه‌كه بۆ خولی نایابی كوردستان متمانه‌ی به‌خشییه هه‌ر یه‌ك له دیار سیروان وه‌كو راهێنه‌ر و محه‌مه‌د سعوود وه‌ك یاریده‌ده‌ری راهێنه‌ر”.
هه‌روه‌ها وتی ” ده‌سته‌ی هونه‌ری ماوه‌ی مانگێك ده‌بێت ده‌ستیان به ئاماده‌كاری كردووه و سه‌ره‌تاش به ده‌ستنیشانكردنی پێكهاته‌یه‌كی به‌رایی بوو، قه‌یرانی دارایی كاریگه‌ری گه‌وره‌ی هه‌بوو له سه‌ر ئاماده‌كارییه‌كانمان و تا ئێستاش ته‌نیا یه‌ك رۆژ راهێنان ده‌كه‌ین ،یان له یارییه دۆستانه‌كان یاریزانه‌كان كۆ ده‌كه‌ینه‌وه”.
سه‌رپه‌رشتیاری تیپی تازه پێگه‌یشتووانی یانه‌ی شۆریجه ئه‌وه‌شی خسته‌روو كه قه‌یرانە داراییه‌كه‌یان زۆر خنكێنه‌رن، كه سه‌رباری هه‌وڵ و یارمه‌تییه‌كانی ، سه‌رۆكی یانه‌كه به‌رده‌وامه له دابینكردنی هاوكاری ، بۆئه‌وه‌ی بتوانین به‌شدار بین له خولی نایابی تازه‌پێگه‌یشتووانی كوردستان”.
له كۆتاییدا ستار محه‌مه‌د وتی:” له‌گه‌ڵ ئه‌وه‌ی به‌گیرفانی خاڵییه‌وه ده‌ستمان به ئاماده‌كاری كردووه ، به‌ڵام سوورین له سه‌ر ئه‌وه‌ی ئاستێك پێشكه‌ش بكه‌ین شایسته‌ی تۆپی پێی كه‌ركوك بێت”.
