لە دوو هەفتەی داهاتوودا پرۆژەیاسای بودجەی 2021ی عێراق دەگاتە پەرلەمان

0
307

SNN-

ئەندامێکی پەرلەمانی عێراق دەڵێت: “تائێستا پرۆژەیاسای بوجەی 2021 نەگەیشتووەتە پەرلەمان بۆ بەیاساییکردنی و بڕیار وایە لە دوو هەفتەی ئایندەدا بگاتە پەرلەمانی عێراق” .

ئەحمەد حاجی رەشید ئەندامی لیژنەی دارایی لە پەرلەمانی عێراق ئاماژەی بەوە کردووە “بەپێی یاسای ئیدارەی مالی حکومەت دەبێت لە ناوەڕاستی مانگی (10) دا ئەو پرۆژەیاسایە بنێردرێتە پەرلەمان و ئەوەش بەکەمتەرخەمی حکومەت دادەنرێت” .

دەشڵێت: “لیژنەی دارایی پێدەچێت یاسای تەرخانکردنی پارە بۆ هەڵبژاردنەکان رەت بکاتەوە بۆ دروستکردنی فشار بۆ سەر حکومەت بۆ ئەوەی لەیاسای بوجەی 2021 دابنرێت، ئەوەش بەمەبەستی ناردنی بەپەلەی پرۆژەیاسای بوجەی 2021”.

بەوتەی ئەو پەرلەمانتارە، دواکەوتنی پرۆژەیاساکە بۆ مانگی 12 و پێویستی لیژنەی دارایی بە نزیکەی (یەک) مانگ وا دەکات پرۆژەکە نەبێتە یاسا لەسەرەتای ساڵی 2021، بۆیە مووچەی مانگی یەکەمی عێراق گرفتی بۆ دروستدەبێت، هەرچەندە حکومەت ڕاست ناکات لەو بابەتەدا کە پارەی نییە، گرفتەکە نەبوونی یاسایە کە دەکرێت بە یاسای ئیدارەی مالی حەل بکرێت .

ئەحمەد حاجی رەشید ئەوەشی ئاشکرا کردووە زانیاریە سەرەتاییەکان باس لەوە دەکەن پرۆژە یاسای بوجەی 2021 زیاتر لە (30) ترلیۆن دینار قەرزی تێدایە کە کورتهێنانی پێ پڕکراوەتەوە.

بەشی بکە لە
Previous Next
Close
Test Caption
Test Description goes like this