وێنە: وەرزی چاندنی دانەوێڵەی گەنم و جۆ لە دەشتی شارەزوور دەستیپێكرد

0
177

SNN-عەلی حەمە سەعید

لەگەڵ ئەوەی بە بەراورد بە ساڵانی ڕابردوو ئەمساڵ بارانی پەڵە بۆ ماوەیەك دواكەوت، بەڵام بە وتەی جوتیارانی دەشتی شارەزوور ئەو دواكەوتنە هیچ كاریگەرییەك لەسەر بەرهەمی گەنم دورستناكات، ئەمساڵیش نزیكەی 70 هەزار دۆنم زەوی بە گەنم دەچێندرێت كە پێشبینی دەكرێت بەرهەمی گەنم بگاتە 600 هەزار تەن گەنم.

كەریم رەوف، یەكێك لە جوتیارانی دەشتی شارەزوور بە SNNی ڕاگەیاند: ساڵانە لە سەرەتای مانگی تشرینی دووەم كاتی دەستكردنە بە چاندنی گەنم ئەگەر بارانی پەڵەی دابێت، بەڵام ئەمساڵ دوو هەفتە زیاتر لەو وادەیەی خۆی دواكەوت ئەوەش هیچ كاریگەرییەك لەسەر بەرهەمی گەنم جێناهێڵێت و لە ئێستادا زەوییە كشتوكاڵییەكانی دەشتی شارەزوور لە بارن بۆ كێڵان.

ئاماژەی بەوەشكرد، “ئەو گەنمەی لە دەشتی شارەزوور دەچێندرێت لە چەند جۆرێك پێكدێن كە بریتین لە گەنمی جۆری (ئاراس، ئەدەنە، مەكسیكی، فەڕەنسی و گەنمی سلێمانی )، بەڵام ئەوەی بووەتە جێگەی نیگەرانی ئەوەیە كە هاشێوەی ساڵانی پێشوو حكومەت هاوكاریمان ناكات لە دابینكردنی بنەتۆوی باوەڕپێكراو و سەمادی كیمیایی ئەوەش بە بیانووی قەیرانی دارایی ئەو هاوكارییانەی جوتیاران نەماوە.

ئەو جوتیارەی دەشتی شارەزوور ئەوەشی خستەڕوو، هێشتا بەشێكی زۆری جوتیارانی هەرێم ترسی ئەوەمان هەیە كە وەك ساڵانی ڕابردوو پارەی بەرهەمی گەنمەكانمان لە بەغداوە بۆ نەیەت و ڕەنجی جوتیاران بە فیڕۆ بڕوات، چونكە تا ئیستا پارەی گەنمی ساڵەكانی 2014 – 2015 – 2016 لەلایەن بەغداوە بۆ سەدان جوتیار خەرجەنەكراوە و لەنێوان هەولێر و بەغدا بە هەڵپەسێردراوی ماوەتەوە، بۆیە گرنگە بابەتی پارەی گەنمی جوتیارانیش بە سیاسی نەكرێت و لە كاتی خۆیدا دابەشبكرێت.

بەگوێرەی ئەو ئامارانەی كە بەڕێوەبەرایەتی گشتیی كشتوكاڵی سلێمانی بە SNN دراون ئەوە خراوەتەڕوو، ساڵانە لە سنووری پارێزگای سلێمانی، یەك ملیۆن و 222 هەزار دۆنم زەوی كشتوكاڵی بە گەنم دەچێنرێت، لەو ژمارەیەش لە دەشتی شارەزوور نزیكەی 70 هەزار دۆنم زەوی بە گەنم دەچێندرێت و بەرهەمی ساڵانەی جوتیارانی دەشتی شارەزوور و پارێزگای سلێمانی نزیكەی 600 هەزار تەن گەنمە.

بەشی بکە لە
Previous Next
Close
Test Caption
Test Description goes like this