“ئه‌گه‌ر حكومه‌تى هه‌رێم وه‌ڵاممان نه‌داته‌وه، سكاڵاى له‌سه‌ر تۆمار ده‌كه‌ین”
سامان حسێن، سەرۆکی یەکێتی کەمئەندامانى كوردستان | فۆتۆ: SNN
SNN – هه‌ڵكه‌وت سه‌ركه‌وت
لێپرسراوى گشتى یه‌كێتى كه‌مئه‌ندامانى كوردستان رایده‌گه‌یه‌نێت: ئه‌گه‌ر تاوه‌كو رۆژى جیهانى كه‌مئه‌ندامان حكومه‌تى هه‌رێم دان به پاشه‌كه‌وتكردنى هاوكارى كه‌مئه‌نداماندا نه‌نێت سكاڵاى له‌سه‌ر تۆمار ده‌كه‌ین.
ئه‌مڕۆ پێنجشه‌ممه سامان حسێن، لێپرسراوى گشتى یەکێتی کەمئەندامانى كوردستان به SNNى راگه‌یاند: “چاوەڕوانی وەڵامی وەزارەتی دارایی و حکومەتی هەرێمین تاوه‌كو دان بە پاشەکەوتکردنی هاوكارى ئەو ساڵەدا بنێت کە بڕیویانە لە کەمئەندامان”.
وتیشى: ” تاوه‌كو رۆژی جیهانی کەمئەندامان كه هاوكاته له‌گه‌ڵ 3ى كانونى یه‌كه‌م، چاوه‌ڕێده‌كه‌ین، ئه‌گه‌ر تاوه‌كو ئه‌وكاته حكومه‌تى هه‌رێم هیچ وه‌ڵامێكى نه‌داینه‌وه سكاڵاى له‌سه‌ر تۆمارده‌كه‌ین به تۆمه‌تى داننه‌نان به پاشه‌كه‌وتكردنى هاوكارییه‌كه‌مان و بڕینی به‌شێوه‌یه‌كى راسته‌وخۆ”.
لێپرسراوى گشتى یەکێتی کەمئەندامانى كوردستان ئه‌وه‌شده‌خاته‌ڕوو: “داواشمان کردووە لە 3ی كانونى یه‌كه‌م، پەرلەمانی کوردستان تایبەت بە کەمئەندامان کۆببێتەوە و سەرجەم فراکسیۆنەکانیش رەزامەندیان دەربڕیووە لەسەر ئەو کۆبوونەوەیە و چاوەڕوانی سەرۆکایەتی پەرلەمانین”.
پەرەپێدراوە و دروستکراوە