ئێران ڤاکسینی کۆرۆنا دروستدەکات
SNN
وه‌زاره‌تی ته‌ندروستی ئێران رایگه‌یاندوە، کۆمپانیاکانی دەرمان لە ئێران سەرقاڵی دروستکردنی ڤاکسینی کۆرۆنان و بەمنزیکانە تاقیدەکرێتەوە.
سیما سادات لاری وته‌بێژی وه‌زاره‌تی ته‌ندروستی ئێران له لێدوانێكی بۆ ئاژانسی هه‌واڵی نۆڤۆستی رایگه‌یاند: له كاتی ئێستادا چوار كۆمپانیای بواری ده‌رمانسازی له ناوخۆی ئێران سه‌رقاڵی دۆزینه‌وه و په‌ره‌پێدانی ڤاكسینى كۆرۆنان بۆ ئه‌وه‌ی له نزیكترین ده‌رفه‌تدا تاقیكردنه‌وه‌ی ڤاكسینه‌كه له‌سه‌ر مرۆڤ ئه‌نجام بدرێت.
له ناوه‌ڕاستی ئه‌م مانگه به‌شێك له میدیاكانی ئێران ئه‌وه‌یان بڵاوكرده‌وه كه وه‌زاره‌تی ته‌ندروستی سه‌رقاڵی ئاماده‌كردنی ڤاكسینی كۆرۆنایه بۆ ئه‌وه‌ی له‌سه‌ر مرۆڤ تاقیبكرێته‌وه.
ئێران یەکێکە لەو وڵاتانەی کە رێژەیەکی بەرچاو لە تووشبوون و گیانلەدەستدان بە کۆرۆنای تۆمارکردووە کە ئەوەش بووەتە بارگرانییەکی زیاتر بۆ سەر کەرتی تەندروستی و ئابووری وڵاتەکە.
