سوپاى عێراق له هه‌وڵى ده‌ركردنى حه‌شدى شه‌عبیدایە له خانه‌قین
هەمەرێکی سوپای عێراق
SNN- سیروان حه‌سه‌ن
له سنوورى خانه‌قین هێزه‌كانى سوپاى عێراق له هه‌وڵدان چه‌كدارانى حه‌شدى شه‌عبى له شاره‌كه بكه‌نه ده‌ره‌وه و له یه‌كه‌م هه‌نگاویشیاندا بازگه‌یه‌كى حه‌شدى شه‌عبییان هه‌ڵوه‌شانده‌وه.
سه‌رچاوه‌یه‌كى ئه‌منى له خانه‌قین بهSNNى راگه‌یاند؛ هێزه‌كانى سوپاى عێراق له سنوورى خانه‌قین هه‌وڵه‌كانیان چڕكردووه‌ته‌وه چه‌كدارانى حه‌شدى شه‌عبى له خانه‌قین بكه‌نه ده‌ره‌وه و خۆیان وه‌كو هێزى یه‌كه‌مى ناوچه‌كه دۆسیه‌ى ئه‌منى بگرنە دەست.
وتیشى: “دوێنێ پێنجشه‌ممه لەلایه‌ن سوپاى عێراقه‌وه بازگه‌یه‌كى چه‌كدارانى حه‌شدى شه‌عبى له نزیك گوندى مێخاس له‌سه رێگاى سه‌ره‌كى خانه‌قین بۆ كه‌لار هه‌ڵوه‌شێندرایه‌وه و له ناوچه‌كه لابران كه ماوه‌یه‌كه ئه‌و ئه‌و چه‌كدارانه ئه‌و بازگه‌یه‌یان له‌و ناوچه‌یه داناوه.
له سنوورى خانه‌قین ئێستا جگه له پۆلیسى خۆجێى خانه‌قین و هێزه‌كانى ئاسایش، چه‌ند هێزێكى دیكه هه‌ن كه به‌شدارن له بەڕێوه‌بردنى دۆسیه‌ى ئه‌منى، ئه‌وانیش سوپاى عێراق، پۆلیسى فیدراڵى و حه‌شدى شه‌عبى-ن.
پەرەپێدراوە و دروستکراوە