سبه‌ى ده‌ستبه‌ دابه‌شكردنى هاوكارى ماددى ده‌كرێت به‌سه‌ر خێزانه‌ كه‌مده‌رامه‌ته‌كانى هه‌ڵه‌بجه‌دا

0
784
دراوى 10 هه‌زارى عێراق | فۆتۆ: SNN

SNN – عەلی حەمە سەعید
بەڕێوەبەری گشتی چاودێری و گەشەپێدانی كۆمەڵایەتی هەڵەبجە رایده‌گه‌یه‌نێت: لە سبەیەوە دەستدكەین بە دابەشكردنی بڕی 100 هەزار دینار هاوكاری بەسەر ئەو خێزانانەی كە كەمدەرامەتن.

سالار فەتاح، بەڕێوه‌بەری گشتی چاودێری و گەشەپێدانی كۆمەڵایەتی هەڵەبجە بە SNNی راگەیاند: “هاوشێوەی پارێزگاكانی دیكەی هەرێم، لە سبەی یەكشەممە 29ى تشرینى دووه‌م، لە بانكی هەڵەبجە دەستدەكەین بە دابەشكردنی بڕی 100 هەزار دینار هاوكاری بۆ ئەو خێزانە كەمدەرامەتانەی كە پێش چەند مانگێك ناوی خۆیان تۆمار كردبوو”.

وتیشى: “ئێمە لە سنووری پارێزگای هەڵەبجە زیاتر لە 12 هەزار ناومان وەك خێزانی كەمدەرامەت تۆمار كردبوو، بەشێكی زۆری ئەو خێزانانە لە جاری یەكەمدا بە دابەشكردنی ئارد و زەیت و كۆمەڵێك پێداویستی دیكە هاوكاری كران، هاوكات 5 هەزار و 500 خێزانیش مابوونەوە كە دەتوانن لە وەرگرتنی 100 هەزار دینارەكە سوودمەند ببن”.

بەڕێوەبەری گشتی چاودێری و گەشەپێدانی كۆمەڵایەتی هەڵەبجە ئەوەشی خستەڕوو: “ئەو كەسانەی كە ناویان هاتووەتەوە بۆ وەرگرتنی 100 هەزار دینار هیچیان ئەو ناوانە نین كە پێشتر بە وەرگرتنی ئارد و زەیت و خۆراك هاوكاری كراون، بۆ ئەوەی زۆرترین هاووڵاتییان سوودمەند ببن لە هاوكارییەكان، هاوكات بەچەند رۆژێك هاوكارییەكە دابەشدەكه‌ین، لە سەرەتادا خێزانەكانی ناو هەڵەبجە، پاشان ناحیەكانی: خورماڵ، سیروان، بیارە و تەوێڵە”.

 

 

بەشی بکە لە
Previous Next
Close
Test Caption
Test Description goes like this