“53%ى ژنانى كوردستان تۆڕە کۆمەڵایەتییەکان بە هۆکاری کێشە خێزانییەکان دەزانن”

0
251

SNN – هه‌ڵكه‌وت سه‌روه‌ت

سه‌رۆكى رێكخراوی هاریكاری یاسایی ژنان رایده‌گه‌یه‌نێت: 53%ى ژنانى كوردستان تۆڕە کۆمەڵایەتییەکان بە هۆکاری کێشە خێزانییەکان دەزانن، ده‌شڵێت: “به‌بێ جیاوازى ژنان له‌ هه‌موو چین و توێژه‌كان رووبه‌ڕووى تووندوتیژى ده‌بنه‌وه‌”.

شۆخان حه‌مه‌ڕه‌شید، سه‌رۆكى رێكخراوی هاریكاری یاسایی ژنان ئه‌مڕۆ شه‌ممه‌ به‌ SNNى راگه‌یاند: “به‌پێى راپرسییه‌ك كه‌ رێكخراوه‌كه‌ى ئێمه‌ ئه‌نجامیداوه‌ 53%ى ژنانى كوردستان تۆڕە کۆمەڵایەتییەکان بە هۆکاری کێشە خێزانییەکان و جیابوونه‌وه‌ دەزانن”.

وتیشى: “زۆربەی ئەو تووندوتیژیيانەی بەرامبەر ژنان دەکرێت سکاڵاى له‌باره‌وه‌ تۆمار ناکرێت، چونكه‌ ژنان شارازاییان نییە لە لایەنە یاساییەکەی و زۆرترین جار بێدەنگی هەڵدەبژێرن بەرامبەر توندوتیژییەکان”.

سه‌رۆكى رێكخراوی هاریكاری یاسایی ژنان په‌رده‌ له‌سه‌ر چه‌ند كه‌یسێكى خێزانى لاده‌دات و باس له‌ باوترین ئه‌و كێشه‌ خێزانیيانه‌ ده‌كات كه‌ ده‌بنه‌هۆكارى تووندوتیژى و ئاماژه‌ به‌وه‌شده‌كات: ” یه‌كێك له‌ باوترین کەیسانە بوونی پەیوەندی خۆشەویستییە لەلایەن پیاوی خێزاندارەوە، بۆ نموونه‌ ئێمه‌ كه‌یسمان لا هه‌یه‌ كه‌ ژنه‌كه‌ سكاڵاى تۆماركردووه‌ و ده‌ركه‌وتووه‌ هاوسه‌ره‌كه‌ى له‌ یه‌ككاتدا په‌یوه‌ندى لەگەڵ شەش ژندا هه‌بووه‌”.

له‌باره‌ى چین و ته‌مه‌نى ئه‌و ژنانه‌ى كه‌ زۆرترین تووندوتیژیيان رووبه‌ڕووده‌بێته‌وه‌ شۆخان حه‌مه‌ڕه‌شید كه‌ هاوكات پارێزه‌ره‌ ئاشكرایكرد: “ژنانى هەرێمی کوردستان لە هەموو چین و توێژەکان بەهۆی تۆڕە کۆماڵایەتییەکانەوە رووبەڕووی تووندوتیژی ده‌بنه‌وه‌، ئه‌و ژنانه‌نش خوێنده‌وار، نه‌خوێنده‌وار، پیر و گه‌نج له‌ چینه‌ جیاوازه‌كانى تێدایه‌”.

رێكخراوی هاریكاری یاسایی ژنان، رێكخراوێكی ناحكومی سه‌ربه‌خۆیه‌، هاوکاری یاسایی بێبه‌رامبه‌ر پێشكه‌ش به‌ ژنان ده‌كات له‌ سه‌رتاسه‌رى هه‌رێمى كوردستان، باره‌گاى سه‌ره‌كى له‌ شارى سلێمانییه‌.

بەشی بکە لە
Previous Next
Close
Test Caption
Test Description goes like this