یەکێتی ئەوروپا ئیدانەی کوشتنی زانا ئەتۆمییەکی ئێران دەکات
ئاڵای یەکێتیی ئەوروپا
SNN
كه‌ناڵی “CNN” له‌سه‌ر زاری وته‌بێژەکەیەوە بڵاویكرده‌وه “به‌رپسێكی حكومی و چه‌ند كه‌سێكی مه‌ده‌نی له هێرشێكدا كوژران، ئه‌و تاوانه پێچه‌وانه‌ی بنه‌ماكانی مافی مرۆڤه، كه یه‌كێتی ئه‌وروپا بانگه‌شه‌ی بۆ ده‌كات”.
دەشڵێت “له‌م كاته ناهه‌مواره‌دا، له‌هه‌موو كاتێك زیاتر، پێویسته هه‌موو لایه‌نه‌كان ئارام بن و دان به‌خۆیاندا بگرن، له‌پێناو رێگریكردن له گرژی زیاتر، كه له به‌رژه‌وه‌ندی كه‌س نییه، هەروەها حكومه‌تی به‌ریتانیا هه‌وڵ ده‌دات به‌په‌له له راستییه‌كان بكۆڵێته‌وه، كه په‌یوه‌ندی به‌و بابه‌ته‌وه هه‌یه”.
لای خۆشییەوە سه‌رۆكی ئێران “حه‌سه‌ن روحانی” و گه‌وره به‌رپرسانی دیكه‌ی ئه‌و وڵاته، كرده‌وه‌كه ده‌خه‌نه پاڵ ئسرائیل، به‌ڵام تا ئێستا هیچ به‌ڵگه‌یه‌كیان له‌م باره‌وه رانه‌گه‌یاندووه.
موحسین فه‌خریزاده، به باوكی به‌رنامه‌ی ئه‌تۆمی ئێران ناسراوه، دوێنێ (هه‌ینی)، له باكووری پایته‌ختی ئێران له‌هێرشێكدا كوژرا.
