هەڵمەتی نیشتمانی كوتانی منداڵان له‌ هه‌رێمى كوردستان دەستیپێكرد

0
504

SNN – بڕیار محەمەد
بەمەبەستی پێدانی پێكوتەی دژە ڤایرۆسەكان و ئیفلیجی و نەخۆشییە وەرزییەكان ئەمڕۆ یه‌كشه‌ممه‌ وەزارەتی تەندروستی هەڵمەتی نیشتمانی كوتانی منداڵانی كوردستانی دەستيپێكرد.

د. سامان بەرزنجی، وەزیری تەندروستیی حكومه‌تى هەرێمی كوردستان لە كۆنگرەیەكی رۆژنامەوانیدا كه‌ تایبه‌ت به‌ ده‌ستپێكى هه‌ڵمه‌ته‌كه‌ سازیكردبوو رایگەیاند: ” لەڕێگای هه‌زار و 78 تیمی راهێنراو لەسەرانسەری كوردستان بە سەرپەرشتی 170 پزیشك، 286 ئۆتۆمبێل هەڵمەتی پێدانی پێكوتەی دژەڤایرۆسەكان و ئیفلیجی و نەخۆشییە وه‌رزییه‌كان دەستپێدەكات”.

وتیشی: “هەڵمەتەكە ماوەی پێنج رۆژ بەردەوامدەبێت، 232 هەزار و 751 منداڵ دەكوترێن، منداڵانی تەمەن یەك رۆژ تا پێنج ساڵ دەگرێتەوە، هەریەك لە رێكخراوی تەندروستی جیهانی و مانگى سوورەكانی هاوكاری تەندروستی هاوكارییان كردووین بۆ دابینكردنی پێگوتە و هاوكاری رێنمایی و بەڕێوەبردنی هەڵمەتەكان”.

ساڵانە بە ئامانجی پاراستنی منداڵانی تەمەن یەك رۆژ تاوەكو پێنج ساڵان، هەڵمەتی پێدانی پێكوتە دژەڤایرۆسەكان و ئیفلیجی و نەخۆشییە وەرزییەكان بەڕێوەدەچێت.

بەشی بکە لە
Previous Next
Close
Test Caption
Test Description goes like this