
مهراسیمى بهخاكسپاردنى تهرمى بڵێسه عومهر له ڕانیه | فۆتۆ: SNN
SNN – محەمەد مستەفا
ىئەمڕۆ یەکشەممە، تەرمی بڵێسە عومەر، لە وڵاتی سویدەوە گەیشتەوە ڕانیە کە دوو هەفتە لەمەوبەر تەرمەکەی لە هۆتێلێکی وڵاتی سوید دۆزرابوویەوە، باوکیشى دهڵێت: کوڕەکەم تیرۆر کراوە و پۆلیسی سویدیش تا ئێستا زانیاری لەسەر رووداوەکە نادرکێنێت.
عومەر کوێخا سابیر باوکی بڵێسە بە SNN ی راگەیاند: “دوو هەفتە لەمەوبەر ئەو کاتەی بڵێسەی کوڕم ئامادەکاری کردووە بۆ ئەوەی لە سویدەوە بگەڕێتەوە کوردستان لە هۆتێل شیراتۆنی سوید کوژرا، ئێمه ئەو رووداوە بە تیرۆرکردن دەزانین، چونکە کوڕەکەی من چالاکوانێکی سیاسی بوو، هاوشانی شەڕڤانان لە کۆبانێ بەشداری شەڕی دژی داعشی کرد”.
وتیشى: “بەگوێرەی زانیاریەکانی ئێمه پێش کوشتنی بڵێسە، بە تووندی لێیدراوه و زەبری گەورە بەر سەری کەوتووە، هەرچەندە تا ئێستا پۆلیسی سویدی هیچ لێدوانێکی لەسەر رووداوەکە نەداوە و تا ئێستاش لێکۆڵینەوه لەو کەیسە بەردەوامە”.
باوكى بڵێسه باسی لەوەشکرد: “ئێمه کێشەی کۆمەڵایەتیمان لەگەڵ هیچ کەس و لایەنێک نییە، بەڵام کوشتنی بڵێسە بە کاری تیرۆرستی ئەو کەسانە دەزانین کە دژی چالاکوانانی کوردن بە تایبەت ئەو چالاکوانانەی هاوشانی شەڕڤانان دژی داعش جەنگاون”.
بڵێسە عومەر گەنجێکی خەڵکی ڕانیە بوو، رەگەزنامەی وڵاتی سویدی هەبوو جگە لە چالاکی سیاسی کاری بازرگانیشی ئەنجامدەدا و بەشداری شەڕی رزگارکردنی کۆبانێی کردووە و زیاتر لە 3 مانگ هاوشانی شەڕڤانان لە کۆبانێ دژی داعش شەڕی کردووە، دوو ههفته لهمهوبهر تهرمهكهى له هۆتێلێكدا له وڵاتى سووید دۆزرایهوه.
لەگەڵمانبە
هەواڵی زیاتر
زۆرترین بینراو
-
هۆکاری كوشتنی پۆلیسهكهی كهركوك ئاشکرابوو
2020-05-27
ئەرشیف
دەربارەی ئێمە
ئەرکمان پێدانی هەواڵی ڕاست و دروستە دەربارەی هەرێمی کوردستان و عێراق و ناوچەکە بە گشتی، لە ڕێگەی ستانداردەکانمانەوە هەوڵ بۆ باشترینەکان دەدەین.
ئەگەر لەبیرت کرد
-
وەزارەتی ناوخۆ راگەیەندراوێک بڵاودەکاتەوە
2021-01-11
وەرزش
-
دیارترین ئەو 5 یاریزانەی مایەپوچبوون
2020-05-26 -
مباپی بڕیارە چاوەڕوان نەکراوەکەی دا
2020-05-17