رووداوێكى هاتووچۆ 10 قوربانى لێكه‌وته‌وه
رووداوی هاتووچۆ
SNN- سیروان حه‌سه‌ن
له سه‌ر رێگاى كه‌ركوك بۆ به‌غدا و له نزیك خورماتوو به‌هۆى پێكدادانى دوو ئۆتۆمبیلەوە چوار هاووڵاتى گیانیانلەده‌ستداوه و شه‌ش كه‌سى دیكه‌ش برینداربوون.
زه‌نون به‌رزنجى وته‌بێژى پۆلیسى هاتووچۆى خورماتوو بهSNNى راگه‌یاند؛ كه‌مێك له‌مه‌وبه‌ر له نزیك چێشتخانه‌ى دوبه‌ى له‌سه‌ر رێگاى خورماتوو بۆ به‌غدا رووداوێكى هاتووچۆ له جۆرى پێكدادان له نێوان تاكسییه‌ك و ئۆتۆمبیلێكى بارهه‌ڵگر روویداوە.
وتیشى: “به‌هۆى رووداوه‌كه‌وه چوار هاووڵاتى گیانیانله‌ده‌ستداوه و شه‌ش كه‌سى دیكه‌ش برینداربوون و زیانى مادى زۆریش هەبووه”.
ئه‌وه‌شى خسته‌ڕوو، تیمه فریا گوزارییه‌كان گه‌یشتوونه‌ته شوێنى رووداوه‌كه بۆ گواستنه‌وه‌ى ته‌رمه‌كان و گه‌یاندنى برینداره‌كان به نه‌خۆشخانه و لێکۆڵینه‌وه‌ش له رووداوه‌كه ده‌ستیپێكردووه.
پەرەپێدراوە و دروستکراوە