گۆڕان: لێدوانى به‌شێك له په‌ر‌له‌مانتار و به‌رپرسه‌كانمان گوزارشت له راى ئێمه ناكات
لۆگۆى بزووتنەوەى گۆڕان | فۆتۆ: SNN
SNN
بزووتنەوەی گۆڕان راگه‌یه‌نراوێكى بڵاوكرده‌وه و رایگه‌یاند: هه‌ڵوێستی فه‌رمیمان لەلایەن بزووتنه‌وه‌ی گۆڕانەوە بڵاوده‌كرێته‌وه، ئاماژه‌ى به‌وه‌شكرد: “هه‌موو لێدوان و ده‌ربڕینێكی دیكه‌ی سیاسیی كه لەلایه‌ن به‌رپرسانی حزبی و حكومی و په‌رله‌مانتارانه‌وه بۆ میدیاكان ده‌درێت، گوزارشت له رای فه‌رمی بزووتنه‌وەکە ناكات”.
له‌دواى ئه‌و گرژییه‌ى كه له په‌رله‌مانى كوردستان دروستبوو به‌هۆى تاوتوێنه‌كردنى بابه‌تى مووچه‌ى مووچه‌خۆران له په‌رله‌مانى كوردستان، كه‌مێك له‌مه‌وبه‌ر بزووتنه‌وه‌ى گۆڕان راگه‌یه‌نراوێكى بڵاوكرده‌وه كه تێیدا هاتووه، “وه‌ك پێشتریش ژووری رۆژنامه‌وانی بڵاوی كردبووه‌وه، هه‌ڵوێستی فه‌رمی لەلایەن بزووتنه‌وه‌ی گۆڕانەوە بڵاوده‌كرێته‌وه، هه‌موو لێدوان و ده‌ربڕینێكی دیكه‌ی سیاسیی كه لەلایه‌ن به‌رپرسانی حیزبی و حكومی و په‌رله‌مانتارانه‌وه بۆ میدیاكان ده‌درێت، گوزارشت له رای فه‌رمی بزووتنه‌وه‌ی گۆڕان ناكات”.
دەقی راگەیەندراوەکە
وه‌ك پێشتریش ژووری رۆژنامه‌وانی بڵاویكردبووه‌وه، هه‌ڵوێستی فه‌رمی لەلایەن بزووتنه‌وه‌ی گۆڕانەوە بڵاوده‌كرێته‌وه و، هه‌مو لێدوان و ده‌ربڕینێكی دیكه‌ی سیاسیی كه لەلایه‌ن به‌رپرسانی حیزبی و حكومی و په‌رله‌مانتارانه‌وه بۆ میدیاكان ده‌درێت، گوزارشت له رای فه‌رمی بزووتنه‌وه‌ی گۆڕان ناكات.
هاوكات، بزووتنه‌وه‌ی گۆڕان له‌گه‌ڵ به‌كارهێنانی زمانێكی شارستانی و سیاسی هاوچه‌رخه بۆ گوزارشتكردن و هه‌ڵوێست ده‌ربڕین له‌سه‌ر پرس و ئاریشە سیاسیی و ئابووری و داراییه‌كانی هه‌رێم و حکومەتی ئیتیحادی، كه زه‌مینه‌سازی بكات بۆ لێكتێگه‌یشتن و چاره‌سه‌ری كێشه‌كان، به‌پێچه‌وانه‌وه هه‌ر ده‌ربڕینێكی دیكه كه وه‌ك سوكایه‌تی، یان زمانێكی نه‌شیاو دژی کەسایەتیە سیاسیه‌كان، یاخود حیزبه‌كان به‌كاربهێنرێت كلتوری سیاسی ئێمه نیيە و دژی دەبین و نوێنه‌رایه‌تی گوتاری سیاسیمان ناكات.
پەرەپێدراوە و دروستکراوە