بەهادین نوری.. سکرتێری پێشووتری حزبی شیوعی عێراق کۆچی دوایی کرد

0
151

SNN

بەهادین نوری، سکرتێری پێشوتری حزبی شیوعی عێراق دوای چەند رۆژێک تووشبوونی بە ڤایرۆسی کۆرۆنا و خرانە ژێر چاودێری چڕی پزیشکییەوە، لەتەمەنی 93 ساڵیدا و بەهۆی خراپتربوونی دۆخی تەندروستی بەرەبەیانی ئەمڕۆ سێشەممە لەشاری سلێمانی گیانی لەدەستدا.

بەهادین نوری یەکێکە لەدیارترین ناوەکانی بزوتنەوەی چەپ لە عێراق و کوردستان، لە 11-ی شوباتی 1927 لەگوندی تەکیە سەربە قەزای قەرەداغی پارێزگای سلێمانی لەدایکبووە.

لەساڵی 1946 پەیوەندی بەحزبی شیوعی عێراقییەوە کردووە و بۆماوەی چوار ساڵ سکرتێری ئەو حزبە بووە، لەساڵی 1953 دەسەڵاتدارانی سیستمی پاشایەتی عێراق دەستگیریان کردووە و لەدوای شۆڕشی 1958 ئازادکراوە.

بەهۆی ناکۆکی لەگەڵ حزبی شیوعیدا، لەساڵی 1984 ریزەکانی ئەو حزبەی جێهێشتووە و لەدوای راپەڕین گەڕاوەتەوە کوردستان.

بەهادین نوری بەر لەتووشبوونی بەپەتای کۆرۆنا و لەتەمەنی 93 ساڵیدا وەک کەسێکی بەئەزموون رۆژانە بۆچوونی خۆی لەسەر رووداوە سیاسییەکانی هەرێمی کوردستان و عێراق و ناوچەکە بڵاودەکردەوە.

لەبارەی وەسییەتی بەهادین نورییشەوە براکەی باسی لەوەکردبوو، کە وەسییەتی کردووە لە گوندەکەی خۆی “گوندی تەکیەی سەر بەقەرەداغ” بەخاکبسپێردرێت و یادەوەرییەکانی تەواو بکرێن و بە چاپ بگەیەندرێت.

کتێبی بیرەوەریەکانی بەهادین نوری

بەشی بکە لە
Previous Next
Close
Test Caption
Test Description goes like this