لە كۆی پێنج هەزار و 250 كارگە دوو هەزار و 600 كارگە لە هەرێمی كوردستان كار دەكەن

0
119

SNN-عەلی حەمە سەعید

وتەبێژی وەزارەتی بازرگانی و پیشەسازی حكومەتی هەرێم ئاماژە بەوە دەكات لەمساڵدا پێنج هەزار و 250 كارگە داوای مۆڵەتی دامەزراندیان كردووە لە هەرێمی كوردستان لەو ژمارەیەش لە ئێستادا دوو هەزار و 600 كارگەیان كەوتونەتە كار بەڵام بەهۆی قەیرانی دارایی و بڵاوبوونەوەی ڤایرۆسی كۆرۆنا ژمارەیەك كارگەش لە كاركردن وەستاون.

فەتحی محەمەد، وتەبێژی وەزارەتی پیشەسازی و بازرگانی حكومەتی هەرێم بە SNNی ڕاگەیاند: قەیرانی دارایی و بڵاوبوونەوەی ڤایرۆسی كۆرۆنا هاوشێوەی وڵاتانی دیكەی جیهانی لە هەرێمی كوردستانیش كاریگەری خراپی جێهێلاوە بەسەر كەرتی بازرگانی پیشەسازی، بەڵام هێشتا ئامارەكان جێگای دڵخۆشی ئێمەن چونكە لەمساڵدا زیاد لە پێنج هەزار و 250 كۆمپانیا داوای مۆڵەتی دامەزراندنیان كردووە و ئەو كۆمپانیایانەش تا ئەوكاتەی پێداویستیەكانیتن دابین دەكەن پێویستیان بە كات هەیە بۆ ئەوەی بە فەرمی بخرێنە كار.

ئاماژەی بەوەشكرد، لە ئێستادا لە هەرێمی كوردستان دوو هەزار و 600 كارگەی گەورە و بچوك لەكاركردن بەردەوامن كە لە بوارە جیاوازەكانی بازرگانی و پیشەكاری كاردەكەن بە تایبەت لە بواری دەرمان و كاڵاو شمەكی خواردن و پێداویستی خانووبەرە و بازرگانی سنوردار و بەدەوام كاڵای نوێ‌ دەخەنە بازاڕەكانی هەرێم.

وتەبێژەكەی وەزاەتی بازرگانی و پیشەسازی حكومەتی هەرێم ئەوەشی خستەڕوو، بەهۆی ئەوەی لە ماوەی ڕابردوودا حكومەتی عێراق گرفتی بۆ كارگە ناوخۆییەكانی هەرێم دروستكرد و ڕێگەی نەدا بەرهەمەكانیان ڕەوانەی پارێزگاكانی عێراق بكرێن و هاوكات بڵاوبوونەوەی ڤایرۆسی كۆرۆناشی هات بەسەردا ئەمە بووە هۆی ئەوەی كە ژمارەیەك كارگە لە كاركردن بوەستن و ئێستاشی لەگەڵدا بێت نەیانتوانیوە كارگەكانیان بخەنەوە گەڕ بەڵام ئەوانە ژمارەیان كەمە.

بەشی بکە لە
Previous Next
Close
Test Caption
Test Description goes like this