لێدوانی کومان لەسەر یاریەکەی فیرنسڤارۆش

0
330
رۆناڵد کومان

SNN Sport

سبەی چوارشەممە، لە یارییەکانی گەڕی پێنجەمی قۆناغی گروپەکانی خولی یانە پاڵەوانەکان، یانەی بەرشەلۆنە لە دەرەوەی یاریگای خۆی دەبێتە میوانی یانەی فیرنسڤارۆشی هەنگاری و یاریەکە لە کاتژمێر 11:00 ئەنجام دەدرێت.

کومان راهێنەری یانەی بەرشەلۆنە، لە کۆنگرەیەکی رۆژنامەوانیدا بەشداری کردوو باسی لە یاریەکە کردوو هۆکاری دوورخستنەوەی میسی ئاشکرا کردوو وتی:”کاتێک تۆ لە بەرشەلۆنەیت دەبێت هەموو یارییەک عەقڵیەتی بردنەوەت هەبێت، ئێمە گەیشتووین بە قۆناغی داهاتوو،بەڵام دوو یاریمان ماوە کە یارییەک دژی یۆڤانتۆسە،ئەوەی بە لای ئێمەوە گرنگە بردنەوە تۆماربکەین و لە پێشەنگ بمێنینەوە”.

لەسەر یاریزانەکانی وتی:”سبەی میسی پشووی پێدەدرێت، چونکە گەیشتووین بە قۆناغی داهاتوو، بەمشێوەیە دەرفەت بە یاریزانی تر دەبەخشین و دەبێت بیر لە یاری خول بکەینەوە،ئۆمتیتی لەگەڵ تیپی دووەم سبەی یاری دەکات، ئەراخۆ راهێنان دەکات، بەڵام نامانەوێت مەترسی لەسەر دروست بکەین، دەمانەوێت ئەو لە %100 ئامادە بێت،بە هیوام پیکێش چەند یارییەک لەم وەرزە لەگەڵمان بێت،برایسوایتیش شایەنی یاریکردنە، ئەو  بە جددی کار دەکات، دەبێت لە هێڵی بەرگری پشت بە یاریزانە لاوەکان ببەستین وەکوو ئەراخۆ و مینگوێزا، وابزانم ئێستاش کاتێکی گونجاو نیە بۆ قسەکردن لەسەر یاریزانی نوێ بۆ شوێنی فاتی و پیکێ لە گواستنەوەی زستانە”.

لەسەر یاریەکەی فیرنسڤارۆش وتی:”پێشبینی یارییەکی قورس دەکەم، ئێمە یاریزانی بە ئەزموونمان هەیە، توانای زۆریان هەیە لە هێڵی هێرشبردن، لە یاری چوون باشبووین،دەبێت بە هێرشبردن یاریەکە بکەین”.

 

بەشی بکە لە
Previous Next
Close
Test Caption
Test Description goes like this